សម្តេចធិបតី៖ ការវិនិយោគលើវិស័យសុខាភិបាល និងអប់រំ ជាកិច្ចការត្រូវបន្តវិនិយោគជាបន្តបន្ទាប់

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងថា ការវិនិយោគលើវិស័យសុខាភិបាល និងការអប់រំ គឺជាកិច្ចការដែលត្រូវបន្តវិនិយោគជាបន្តបន្ទាប់ រួមទាំងចំណាយទៅលកម្មវិធីគាំពារសង្គមដើម្បីធ្វើឱ្យសុខភាពរបស្រជាពលរដ្ឋកាន់តែល្អ។

ក្នុងឱកាសអញ្ជើញអបអរសាទរសមិទ្ធផលនានា ក្រោមគម្រោងជំនួយរបស់ចិន សម្រាប់កែលម្អ បរិស្ថាន សាលារៀន និងផ្គត់ផ្គង់សម្ភារៈបរិក្ខារអប់រំនៅកម្ពុជា នាថ្ងៃទី២៦ ខែតុលា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត បានបញ្ជាក់ថា «ការបន្តលើការវិនិយោគលើគ្រូ ហេដ្ឋារចនាសម្ព័ន្ធ គឺជាទិសដៅដែលសំខាន់ ហើយនៅក្នុងថវិកាជាតិប្រចាំឆ្នាំ គឺរាជរដ្ឋាភិបាលតែងតែបង្កើន ទៅលើវិស័យអាទិភាពធំៗជាច្រើន ក្នុងនោះធំ២ គឺសុខាភិបាល និងអប់រំដែលយើងមិនអាចចោលបាន ហើយចំណសយទៅលើវិស័យសុខាភិបាលរបស់យើង ចំណាយទៅលកម្មវិធីគាំពារសង្គមដើម្បីធ្វើឱ្យសុខភាពរបស្រជាពលរដ្ឋយើងកាន់តែល្អ»។

សម្តេចមហាបវរធិបតី ហ៊ុន ម៉ាណែត បានលើកឡើងថា សម្រាប់ការចំណាយលើកម្មវិធីឧបត្ថម្ភ រួមទាំងការឧបត្ថម្ភអាហារមួយចំនួន នៅតាមសាលារៀនមួយចំនួននៅក្នុងប្រទេស ក៏រាជរដ្ឋាភិបាលអនុវត្ត ដោយមានការចូលរួមសហការ ជាមួយអង្គការដៃគូជាដើម។

សម្តេចមហាបវរធិបតី ហ៊ុន ម៉ាណែត បានបន្ថែមថាកំណែទម្រង់ការអប់រំ ត្រូវធ្វើជាបន្តបន្ទាប់។ គ្មានការអប់រំណាមួយ ដែលនៅស្ងៀមនោះទេ គឺត្រូវធ្វើការកំណែទម្រង់ជាបន្តបន្ទាប់។ ការអប់រំ និងការសិក្សា ត្រូវតែធ្វើការកែសម្រួលជាប្រចាំ៕