ឯកឧត្តមសន្តិបណ្ឌិត ម៉ៅ ច័ន្ទតារា អញ្ជើញដឹកនាំកិច្ចប្រជុំក្រុមការងារកែទម្រង់រដ្ឋបាលសាធារណៈរបស់ក្រសួងមហាផ្ទៃ

ភ្នំពេញ៖ នៅទីស្តីការក្រសួងមហាផ្ទៃ នាព្រឹកថ្ងៃសុក្រ ទី១ ខែវិច្ឆិកា ឆ្នាំ២០២៤ ឯកឧត្តមសន្តិបណ្ឌិត ម៉ៅ ច័ន្ទតារា រដ្ឋលេខាធិការប្រចាំការ ក្រសួងមហាផ្ទៃ បានអញ្ជើញដឹកនាំកិច្ចប្រជុំក្រុមការងារកែទម្រង់រដ្ឋបាលសាធារណៈរបស់ក្រសួងមហាផ្ទៃ ដោយមានការអញ្ជើញចូលរួមពី ឯកឧត្តម រដ្ឋលេខាធិការ អនុរដ្ឋលេខាធិការ អគ្គនាយក អគ្គនាយករង និងមន្ត្រីពាក់ព័ន្ធចំណុះក្រសួងមហាផ្ទៃ ។

ក្នុងកិច្ចប្រជុំនេះដែរ ឯកឧត្តមសន្តិបណ្ឌិត និងក្រុមការងារកែទម្រង់រដ្ឋបាលសាធារណៈរបស់ក្រសួងមហាផ្ទៃបាន ពិភាក្សាលើបេសកកម្មរបស់ក្រុមការងារ ជាពិសេសការរៀបចំផែនការសកម្មភាព និងកិច្ចការកំណែទម្រង់រដ្ឋបាលសាធារណៈ ការវិភាគមុខងារ និងរចនាសម្ព័ន្ឋអង្គភាពចំណុះរបស់ក្រសួងមហាផ្ទៃ ដើម្បីមានមូលដ្ឋានការអនុវត្តការងារឲ្យបានច្បាស់លាស់និងត្រឹមត្រូវតាមគោលការណែនាំរបស់រាជរដ្ឋាភិបាល និងក្រសួងមុខងារសាធារណៈ ព្រមទាំងបានស្នើដល់បណ្តាអគ្គនាយកដ្ឋានទាំងអស់យកចិត្តទុកដាក់ចូលរួមឲ្យបានសកម្មលើកិច្ចការនេះ៕