យោធិនតំបន់ប្រតិបត្តការសឹករងកំពង់ស្ពឺ ទទួលបានអាវរងាជាអំណោយដ៏ថ្លៃថ្លារបស់សម្ដេចតេជោ និងសម្ដេចកិត្តិព្រឹទ្ធបណ្ឌិត

ភ្នំពេញ៖ ឧត្តមសេនីយ៍ទោ ម៉ាន់ ម៉ាច មេបញ្ជាការតំបន់ប្រតិបត្តិការសឹករងកំពង់ស្ពឺ នាថ្ងៃទី៦ ខែវិច្ឆិកា ឆ្នាំ២០២៤ បានប្រគល់អាវរងារចំនួន២០៤អាវ ដែលជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដល់យោធិន ទីបញ្ជាការ និងគ្រប់បណ្ដាអង្គភាពទាំងអស់ ចំណុះតំបន់ប្រតិបត្តិការសឹករងកំពង់ស្ពឺ ដើម្បីយកទៅបន្តចែកជូនដល់ដៃកងកម្លាំងទាំងអស់ ដែលអង្គភាពនីមួយៗកំពុងគ្រប់គ្រង។

នៅក្នុងឱកាសនោះដែរ ឧត្តមសេនីយ៍ទោ មេបញ្ជាការ បានមានប្រសាសន៍ថា៖ តាមរយៈអំណោយដ៏ថ្លៃថ្លានេះ បានសបញ្ជាក់ឱ្យយើងទាំងអស់គ្នាឃើញយ៉ាងច្បាស់នូវទឹកចិត្តមហាសប្បុរស របស់សម្ដេចទាំងទ្វេនៅគ្រប់កាលៈទេសៈតែងតែយកចិត្តទុកដាក់ដល់សុខភាពរស់នៅរបស់កងកម្លាំង នៃកងយោធពលខេមរភូមិន្ទ។

ឧត្តមសេនីយ៍ទោ ម៉ាន់ ម៉ាច ក្នុងនាមថ្នាក់ដឹកនាំ ព្រមទាំងនាយទាហាន នាយទាហានរង និងពលទាហានទាំងអស់ទូទាំងតំបន់ប្រតិបត្តិការសឹករងកំពង់ស្ពឺ បានថ្លែងអំណរគុណយ៉ាងជ្រាលជ្រៅ ដឹងគុណជានិច្ចចំពោះសម្តេចតេជោ សម្តេចកិត្តិព្រឹទ្ធបណ្ឌិត និងប្តេជ្ញាស្មោះត្រង់ ចូលរួមការពារសន្តោភាព និងដាច់ខាតការពារឱ្យខាងតែបានរាជរដ្ឋាភិបាលដែលដឹកនាំដោយ សម្តេចមហាបវរធិបតី ហ៊ុន ម៉ាណែត ជាប្រមុខដឹកនាំប្រកបដោយកិត្តិបណ្ឌិត និងចក្ខុវិស័យ។

សូមគោរពជូនពរដល់សម្តេចតេជោ សម្តេចកិត្តិព្រឹទ្ធបណ្ឌិត សម្តេចមហាបវរធិបតី លោកជំទាវបណ្ឌិត និងក្រុមគ្រួសារ ព្រមទាំងបុត្រា បុត្រី ចៅប្រុស ចៅស្រី ជួបប្រទះតែពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។