កងពលតូចថ្មើរជើងលេខ១៤ បិទវគ្គហ្វឹកហ្វឺន បំប៉នពង្រឹងវរសេនាតូចលេខ១៤២ និងពង្រឹងវរសេនាតូចលេខ១៤១-១៤២-១៤៣-១៤៤ ឆ្នាំ២០២៤

ភ្នំពេញ៖ ឯកឧត្តម ឧត្តមសេនីយ៍ឯកព្រហ្ម មរណ មេបញ្ជាការរងកងទ័ពជើងគោក នាថ្ងៃទី៧ ខែវិច្ឆិកា ឆ្នាំ២០២៤ បានអញ្ជើញជាអធិបតី ក្នុងពិធីបិទវគ្កហ្វឹកហ្វឺន បំប៉នពង្រឹងវរសេនាតូចលេខ១៤២និងពង្រឹងវរសេនាតូចលេខ១៤១-១៤២ -១៤៣-១៤៤ ឆ្នាំ២០២៤ របសកងពលតូចថ្មើរជើងលេខ១៤ ។

ក្នុងនាមឯកឧត្តម នាយឧត្តមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក ឧត្តមសេនិយ៍ឯកព្រហ្ម មរណ បានសម្តែងនូវការអបអរសាទរជាមួយ នាយទាហាន នាយទាហានរង និងកម្មសិក្សាការីដែលបានបញ្ចប់វគ្កហ្វឹកហ្វឺនឆ្នាំ២០២៤ ដោយសង្ឃឹមយ៉ាងមុតមាំថា នាយទាហាននាយទាហានរង និងពលទាហាន និងសិក្ខាកាមទាំងអស់ត្រូវរួមគ្ននាខិតខំប្រឹងប្រែងបំពេញការងារ និងកសាងអង្គភាពឲ្យមានការរីកចម្រើនរឹងមាំ ដើម្បីសម្រេចបាននូវស្នាដៃ និងសមិទ្ធផលថ្មីៗបន្ថែមទៀត។

ឧត្តមសេនីយ៍ឯក ព្រហ្ម មរណៈ បានផ្តាំផ្ញើដល់ថ្នាក់ដឹកនាំ នាយទាហាន នាយទាហានរង និងពលទាហាន និងសិក្ខាកាមទាំងអស់ ត្រូវស្មោះត្រង់ ដាច់ខាតចំពោះជាតិ សាសនា ព្រះមហាក្សត្រ ការពារឲ្យបានដាច់ខាតនូវអធិបតេយ្យភាពជាតិ បូរណភាពទឹកដី សន្តិភាព និងស្ថិរភាពនយោបាយ ទី២៖ អនុវត្តឲ្យបានម៉ឹងម៉ាត់នូវបទបញ្ហា និងគោលការណ៍ដឹកនាំរបស់រាជរដ្ឋាភិបាល ក្រសួងការពារជាតិ អគ្គបញ្ជាការ និងបញ្ជាការដ្ឋានកងទ័ពជើងគោក ដែលបានដាក់ចេញ។ ត្រូវយកចិត្តទុកដាក់ពង្រឹងសមត្ថភាព កសាងធនធានមនុស្សគ្រប់ផ្នែកគ្រប់ជំនាញ និងផ្តល់ឱកាសឲ្យនាយទាហានវ័យក្មេង មានសមត្ថភាពឲ្យចូលក្នុងជួរថ្នាក់ដឹកនាំបញ្ជា ដើម្បីដកពិសោធន៍ពីរៀមច្បង ត្រៀមកម្លាំងជួយសង្គ្រោះគ្រោះមហន្តរាយនានា បននតសហការដ៏ល្អ ជាមួយអាជ្ញាធរដែនដីគ្រប់លំដាប់ថ្នាក់ ស្ថាប័ន អង្គភាពពាក់ព័ន្ធ រួមជាមួយនឹងបងប្អូន ប្រជាជននៅតាមតំបន់នីមួយៗ ក្នុងគោលដៅ ពង្រឹងសាមគ្គីជាតិ ទប់ស្កាត់ឲ្យបាន នូវនិន្នាការបង្កអរិភាពជាតិសាសន៍ សាសនា ការទប់ស្កាត់ឲ្យទាន់ពេលវេលានូវរាល់និន្នាការ សំដៅបង្ក ចលាចល និងបង្កអស្ថិរភាពសង្គម និង ត្រូវយកកត្តាសាមគ្គីភាពផ្ទៃក្នុងជាចម្បង បន្តថែរក្សាប្រពៃណីមិត្តភាព ឯកភាពផ្ទៃក្នុងឲ្យបានរឹងមាំ និងបន្តយកចិត្តទុកដាក់កសាងសមត្ថភាពទ័ព ចិញ្ចឹមបីបាច់ថែរក្សាសុខុមាលភាព និងលើកកម្ពស់ជីវភាព រស់នៅរបស់កងទ័ព ឲ្យបានល្អប្រសើរ «ស្នាមញញឹម និងសេចក្តីសុខរបស់យុទ្ធជនជាចំបង» ៕