ឯកឧត្តម អ៊ុំ រាត្រី ដឹកនាំកិច្ចប្រជុំគណៈបញ្ជាការ ឯកភាពរដ្ឋបាលខេត្តបន្ទាយមានជ័យ
ភ្នំពេញ៖ ដើម្បីឱ្យការអនុវត្តគោលនយោបាយភូមិ -ឃុំ-សង្កាត់ មានសុវត្ថិភាព តែមានប្រសិទ្ធភាព ឯកឧត្តម អ៊ុំ រាត្រី អភិបាលនៃ គណៈអភិបាលខេត្តបន្ទាយមានជ័យ និងជាប្រធានគណៈបញ្ជាការឯកភាពខេត្ដ បានដាក់បទបញ្ជាដល់កងកម្លាំងសមត្ថកិច្ច ការរឹតបន្តឹងលើការពិនិត្យនៅជាតិអាល់កុល អាវុជាតិផ្ទុះនៅតាមដងផ្លូវបន្ថែមទៀត បង្ក្រាបនូវករណីក្មេងទំនើង ទោះបីកន្លងមកយេីងបានបង្ក្រាបជាបន្តបន្ទាប់ និងមានភាពស្ងប់ស្ងាត់យ៉ាងណាក៏ដោយគីនៅតែបន្តអនុវត្តឲ្យដូចជាភ្លៀងរលឹមមានមួយបង្ក្រាបមួយចាត់ការតាមនិតិវិធីមិនលើកលែង ។
ឯកឧត្តម អ៊ុំ រាត្រី បានដាក់បទបញ្ជានេះឡើងនៅក្នុងកិច្ចប្រជុំគណៈបញ្ជាការឯកភាពរដ្ឋបាលខេត្តបន្ទាយមានជ័យ នារសៀលថ្ងៃទី១១ ខែវិច្ឆិកា ឆ្នាំ២០២៤ នៅសាលប្រជុំ ក សាលាខេត្តបន្ទាយមានជ័យ។
នៅក្នុងកិច្ចប្រជុំនោះផងដែ រឯកឧត្តម អ៊ុំ រាត្រី ក៏បានថ្លែងអំណរគុណទៅដល់កងកម្លាំងសមត្ថកិច្ចពាក់ព័ន្ធទាំងអស់ដែលបានចូលរួមការពារសន្តិសុខ សណ្ដាប់ធ្នាប់ នៅថ្ងៃប្រឡងបាក់ឌុប នាពេលកន្លងទៅបានយ៉ាងល្អប្រសើរ។
ក្នុងនោះឯកឧត្តមក៏បានធ្វើការជំរុញបន្ថែមទៅដល់សមត្ថកិច្ចពាក់ព័ន្ធបន្តធ្វើការផ្សព្វផ្សាយនូវផលប៉ះពាល់ឱ្យបានផុសផុលពីបញ្ហាគ្រឿងញៀនទៅដល់សិស្សានុសិស្ស និងតាមសហគមន៍ផ្សព្វផ្សាយពីច្បាប់ចរាចរណ៍ផ្លូវគោក ដើម្បីចូលរួមកាត់បន្ថយអត្រាគ្រោះថ្នាក់នៅក្នុងប្រទេសកម្ពុជាក៏ដូចជានៅក្នុងខេត្តទាំងមូលផដែរ៕
