ក្រសួងពាណិជ្ជកម្មកម្ពុជា និងស្ថានទូតអង់គ្លេសរៀបចំវេទិកាពាណិជ្ជកម្ម និងវិនិយោគលើកទី២ នៅរាជធានីភ្នំពេញ
ភ្នំពេញ៖ នារសៀលថ្ងៃអង្គារ ទី១២ ខែវិច្ឆិកា ឆ្នាំ២០២៤ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្មកម្ពុជា និងឯកឧត្តម Dominic Williams ឯកអគ្គរាជទូតចក្រភពអង់គ្លេសប្រចាំកម្ពុជា បានអញ្ជើញចូលរួមជាសហប្រធានក្នុងពិធីបើកវេទិកាពាណិជ្ជកម្ម និងវិនិយោគ (Joint Trade and Investment Forum- JTIF) លើកទី២ ក្រោមមូលបទ “ចក្ខុវិស័យឆ្ពោះទៅកាន់ឆ្នាំ២០៣០” ដែលមានវត្តមានចូលរួមពីតំណាងក្រសួងស្ថាប័ន សភាពាណិជ្ជកម្ម និងក្រុមហ៊ុននិងសហគ្រាសឯកជននៃប្រទេសទាំងពីរ ជាច្រើនរូប។
ក្នុងវេទិកានេះ ភាគីទាំងពីរបានពិភាក្សាពីវឌ្ឍនភាពការងាេក្រោមក្របខណ្ឌវេទិកាពាណិជ្ជកម្ម និងវិនិយោគ និងកំណត់ទិសដៅការងារបន្តក្នុងការលើកកម្ពស់កិច្ចសហប្រតិបត្តិការពាណិជ្ជកម្មនិងវិនិយោគ ឱ្យមានកំណើនប្រកបដោយបរិយាប័ន្ន និងចីរភាព ជាពិសេសការពង្រឹងភាពជាដៃគូររវាងប្រទេសទាំងពីឱ្យកាន់តែល្អប្រសើឡើងថែមមួយកម្រិតទៀត៕
