ដឹកជញ្ជូនតាមទម្ងន់កម្រិតកំណត់ ដើម្បីចូលរួមថែរក្សាហេដ្ឋារចនាសម្ព័ន្ធផ្លូវថ្នល់ឱ្យបានយូរអង្វែង
ភ្នំពេញ៖ ក្រសួងសាធារណការ និងដឹកជញ្ជូនបានអំពាវនាវដល់បងប្អូនប្រជាពលរដ្ឋចូលរួមគោរពច្បាប់ ដោយដឹកជញ្ជូនតាមទម្ងន់ផ្ទុកត្រឹមត្រូវតាមច្បាប់កំណត់ ដែលនេះជាការរួមចំណែកមួយយ៉ាងសំខាន់ ដើម្បីការពារផ្លូវថ្នល់យើងកុំឱ្យខូចខាតមុនអាយុកាលកំណត់ ព្រមទាំងកាត់បន្ថយគ្រោះថ្នាក់ចរាចរណ៍ ដែលនាំឱ្យខូចខាតដល់ទ្រព្យសម្បត្តិ និងអាយុជីវិតអ្នកធ្វើដំណើរតាមដងផ្លូវជាមួយគ្នាផងដែរ។
ក្រសួងសាធារណការបញ្ជាក់ថា ការដឹកជញ្ជូនតាមកម្រិតកំណត់ មិនត្រឹមតែជួយថែរក្សាហេដ្ឋារចនាសម្ព័ន្ធផ្លូវថ្នល់ប៉ុណ្ណោះទេ ថែមទាំងជួយឱ្យបងប្អូនចៀសផុតពីការពិន័យ ដែលនាំឱ្យប៉ះពាល់ដល់ការប្រកបរបរដឹកជញ្ជូន និងជីវភាពរស់នៅប្រចាំថ្ងៃ៕
