ឧត្តមសេនីយ៍ទោ មៀច សាមុត ចុះអប់រំចិត្តសាស្ត្រ និងប្រជុំផ្សព្វផ្សាយផែនការ បទបញ្ជា ដល់នាយ-ពលទាហាន កងពលតូចអន្តរាគមន៍លេខ១២៨
ភ្នំពេញ៖ ឧត្តមសេនីយ៍ទោ មៀច សាមុត មេបញ្ជាការកងពលតូចអន្តរាគមន៍លេខ១២៨ នៅថ្ងៃទី១៥ ខែតុលា ឆ្នាំ២០២៤បានអញ្ជើញជាអធិបតីក្នុងពិធីរៀនសូត្រអប់រំចិត្តសាស្ត្រ និងប្រជុំផ្សព្វផ្សាយផែនការ បទបញ្ជា ជូនដល់នាយទាហាន នាយទាហានរង និង ពលទាហាន នៅទីបញ្ជាការស្រាលកងពល និងវរសេនាតូចអន្តរាគមន៍២៨៤ កងពលតូចអន្តរាគមន៍លេខ១២៨ យោធភូមិភាគទី១ ។
ឧត្តមសេនីយ៍ទោ មេបញ្ជាការកងពល ក៏បានលើកឡើងពីសារៈសំខាន់លើការងារអប់រំចិត្តសាស្ត្រ ដែលកងទ័ពទាំងអស់ត្រូវយកចិត្តទុកដាក់ក្នុងការស្វែងយល់លើការងារសតិអារម្មណ៍ ស្មារតីស្នេហាជាតិ មាតុភូមិ និងប្រជាជន ។ រក្សាសន្តិភាព ស្ថេរភាព ស្មោះត្រង់ដាច់ខាត ជាមួយរាជរដ្ឋាភិបាលគ្រប់តំណាក់កាល ពិសេសស្មោះត្រង់ដាច់ខាតជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ។ គោរពវិន័យ ក្រមសីលធម៌កងយោធពលខេមរភូមិន្ទ ប្រកាន់ភ្ជាប់នូវតួនាទីភារកិច្ច ពង្រឹងបទវិន័យទូទៅ សណ្តាប់ធ្នាប់, ការអនុវត្តន៍បទបញ្ជាមេបញ្ជាការយោធភូមិភាគទី១ ៕
