អភិបាលខេត្តស្ទឹងត្រែង ថ្លែងអំណរគុណពលរដ្ឋ ដែលបានចូលរួមពិធីសំពះព្រះខែ អកអំបុក និងសម្រក់ទៀនជ័យ ដើម្បីផ្សងប្រផ្នូលទឹកភ្លៀងសម្រាប់ក្រុងស្រុកទាំង៦
ភ្នំពេញ៖ ឯកឧត្ដម សរ សុពុត្រា អភិបាលខេត្តស្ទឹងត្រែង បានថ្លែងអំណរគុណជាអនេក ចំពោះវត្តមានពុកម៉ែ មាមីង ប្រិយមិត្តយុវជន និងបងប្អូនពីគ្រប់ទិសទី ពិសេសអ្នកស្ទឹងត្រែង ដែលបានអញ្ជើញចូលរួមយ៉ាងសន្ធឹកសន្ធាប់ ក្នុងពិធីសំពះព្រះខែ អកអំបុក និងពិធីសម្រក់ទៀនជ័យ ដើម្បីផ្សងប្រផ្នូលទឹកភ្លៀងសម្រាប់ក្រុងស្រុកទាំង៦ នៃខេត្តស្ទឹងត្រែង ។
ជាមួយគ្នានោះឯកឧត្ដមអភិបាលខេត្ត ក៏បានថ្លែងអំណរគុណ ដល់បងប្អូនប្រជាពលរដ្ឋ ដែលបានអញ្ជើញចូលរួម ពិធីបណ្តែតប្រទីបនៅទន្លេសេកុង ដែលជាប្រពៃណីទំនៀមទម្លាប់ដ៏ផូរផង់នៃប្រជាជាតិយើងផងដែរ ។
ពិធីនេះធ្វើឡើងនៅរាត្រី១៥កើត ខែពេញបូណ៌មី ថ្ងៃសុក្រ ទី១៥ ខែវិច្ឆិកា ឆ្នាំ២០២៤ ទីលានរូបសំណាកត្រីប៉ាសេអ៊ី ដងទន្លេសេកុង ក្រុងស្ទឹងត្រែង ខេត្តស្ទឹងត្រែង ៕
