ក្រុមការងារកងរាជអាវុធហត្ថខេត្តកំពង់ស្ពឺ ចុះសួរសុខទុក្ខសមាជិក ដែលមានប្រពន្ធទើបសម្រាលកូន
ភ្នំពេញ៖ នាព្រឹកថ្ងៃទី២០ ខែវិច្ឆិកា ឆ្នាំ២០២៤ លោកវរសេនីយ៍ឯក ភូ ឌីសាឌីន មេបញ្ជាការរង តំណាងលោកឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថខេត្តកំពង់ស្ពឺ បានដឹកនាំក្រុមការងារកងរាជអាវុធហត្ថ ចុះសួរសុខទុក្ខលោកស្រី ធុច សុម៉ាលី ភរិយារបស់លោកនាយចំណង់ កេត ឧត្តម ជំនួយការ កងរាជអាវុធហត្ថស្រុកឱរ៉ាល់ ដែលទើបនិងសម្រាលកូនហើយកំពុងសម្រាកថែទាំសុខភាពបន្តនៅគេហដ្ឋាន ស្ថិតនៅភូមិជាំ ឃុំតាសាល ស្រុកឱរ៉ាល់ ខេត្តកំពង់ស្ពឺ។
ក្នុងឱកាសចុះសួរសុខទុក្ខនោះ ក្រុមការងារកងរាជអាវុធហត្ថក៏បានពាំនាំនៅការផ្តាំផ្ញើរសួរសុខទុក្ខពី លោកឧត្តមសេនីយ៍ត្រី ម៉េង ស្រ៊ុន និងបាននាំយកនូវអំណោយជាថវិកាចំនួន ២០មុឺនរៀល ព្រមទាំងគ្រឿងឧបភោគបរិភោគមានដូចជា៖ អង្ករ ២ប៉ាវ, ទឹកសុទ្ធ ២កេស, មីម៉ាម៉ា ២កេស, ទឹកផ្លែឈើ ២កេស, ត្រីខ ២យួរ និងនំ ២ប្រអប់ផងដែរ ៕
