នាយករដ្ឋមន្ត្រី ហ៊ុន ម៉ាណែត៖ វិនិយោគលើចំណេះដឹង ទើបអាចទាក់ទាញអ្នកវិនិយោគកាន់តែច្រើន

ភ្នំពេញ៖ ក្នុងឱកាសអញ្ជើញចែកសញ្ញាបត្រនិស្សិតសាកលវិទ្យាលយ័ភូមិន្ទភ្នំពេញ នៅសាលមហោស្រពកោះពេជ្រ នាថ្ងៃទី២១ វិច្ឆិកានេះ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងថា សម្រាប់ប្រទេសនីមួយៗ មានមូលដ្ឋានមនុស្សកាន់តែច្រើន និងកម្រិតចំណេះដឹងកាន់តែខ្ពស់ ដោយបង្កើនភាពម្ចាស់ការ និងឯករាជ្យ ដោយមានធនធានច្រើន គឺអាចកំណត់ទិសដៅនៃសកម្មភាពអាចដោះស្រាយបញ្ហាដោយខ្លួនឯង។

សម្តេចធិបតី បានលើកឡើងបន្ថែមថា មូលដ្ឋានសម្រាប់អភិវឌ្ឍន៍ប្រទេសឱ្យកាន់តែទំនើប និងប្រកួតប្រជែង ពីព្រោះសភាពការណ៍ពិភពលោកដើរលឿនណាស់ មិនថាការប្រកួតប្រជែងពាណិជ្ជកម្ម សេដ្ឋកិច្ច និងភូមិសាស្ត្រនយោបាយ ជាពិសេសការប្រកួតប្រជែងកាន់តែលឿនជាងនេះ។ ដូចនេះ ប្រទេសនីមួយៗត្រូវមានសមត្ថភាពប្រកួតប្រជែង ដើម្បីទាក់ទាញអ្នកវិនិយោគឱ្យបានកាន់តែច្រើន ៕