សម្តេចធិបតី ហ៊ុន ម៉ាណែត៖ វិស័យថ្មអារទទួលបានជោគជ័យមានកត្តាចំនួន៤
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងថា វិស័យថ្មអារទទួលបានជោគជ័យមានកត្តាចំនួន៤។
ក្នុងពិធីបិទសន្និបាតបូកសរុបលទ្ធផលការងារឆ្នាំ២០២៣ និងឆ្នាំ២០២៤ និងលើកទិសដៅការងារឆ្នាំ២០២៥ របស់ក្រសួងរ៉ែ និងថាមពល នៅរសៀលថ្ងៃទី២១ ខែវិច្ឆិកា ឆ្នាំ២០២៤ សម្តេចធិបតី ហ៊ុន ម៉ាណែត បានថ្លែងយ៉ាងដូច្នេះថា៖ «វិស័យថ្មអារទទួលបានជោគជ័យមានកត្តាចំនួន៤ រួមមាន៖ ហ៊ានវះកាត់, មានយន្តការច្បាស់លាស់តាមដានការអនុវត្តន៍ មន្ត្រីអនុវត្តន៍ទាំងអស់ត្រូវអនុវត្តន៍ដោយស្មោះត្រង់, វិស័យឯកជន ត្រូវចូលរួមដោយស្មោះ និងស្រុះគ្នា ហើយស្មោះត្រង់ជាមួយរដ្ឋ»។
សម្តេចធិបតី ហ៊ុន ម៉ាណែត បានបញ្ជាក់ថា ការងារថ្មអារ គឺជាកិច្ចការដំបូងដែលសម្តេចបានធ្វើកិច្ចអន្តរាគមន៍ក្នុងការងារជានាយករដ្ឋមន្ត្រី ហើយជាបទពិសោធន៍សម្រាប់ការដឹកនាំរបស់សម្តេច។ ក្រោមកិច្ចអន្តរាគមន៍ បានប្រែវិស័យថ្មអារពីចង់ដួលរលំ មកកើនឡើង៤ដង។
សម្តេចធិបតី នាយករដ្ឋមន្ត្រី បានមានប្រសាសន៍ថា ការដោះស្រាយបញ្ហាលើវិស័យថ្មអារជាពិសោធន៍មួយដែលសម្តេចមានមោទនភាព ៕
