សហរដ្ឋអាមេរិក វេតូលើសេចក្តីព្រាងសេចក្តីសម្រេច របស់ក្រុមប្រឹក្សាសន្តិសុខអង្គការសហប្រជាជាតិ ដែលអំពាវនាវឱ្យមានបទឈប់បាញ់ជាបន្ទាន់នៅក្នុងតំបន់ហ្គាហ្សា

យូអិន៖ សហរដ្ឋអាមេរិក បានធ្វើការវេតូលើសេចក្តីព្រាងសេចក្តីសម្រេច របស់ក្រុមប្រឹក្សាសន្តិសុខអង្គការសហប្រជាជាតិ ដែលបានអំពាវនាវឱ្យមានបទឈប់បាញ់ជាបន្ទាន់នៅក្នុងតំបន់ហ្គាហ្សា ដោយបានទាក់ទាញការ រិះគន់យ៉ាងខ្លាំងពីសមាជិកភាគច្រើន នៃអង្គការសហប្រជាជាតិ។

សេចក្តីព្រាងដែលដាក់ចេញដោយសមាជិក មិនអចិន្ត្រៃយ៍ចំនួន ១០ របស់ក្រុមប្រឹក្សា បានទាមទារបទឈប់បាញ់ជាបន្ទាន់ គ្មានលក្ខខណ្ឌ និងអចិន្ត្រៃយ៍ ក៏ដូចជាការដោះលែង ចំណាប់ខ្មាំងទាំងអស់ ជាបន្ទាន់ និងដោយគ្មានលក្ខខណ្ឌ។ក្រុមប្រឹក្សាដែលមានសមាជិក ១៥ នាក់បានបោះឆ្នោតគាំទ្រ ១៤ លើ១ លើដំណោះស្រាយ ហើយសហរដ្ឋអាមេរិក បានប្រើវេតូរបស់ខ្លួនជាសមាជិកក្រុមប្រឹក្សាអចិន្ត្រៃយ៍ ដើម្បីរារាំងវា។

ថ្លែងបន្ទាប់ពីការបោះឆ្នោត លោក Robert Wood អនុឯកអគ្គរដ្ឋទូតសហរដ្ឋអាមេរិកប្រចាំអង្គការសហប្រជាជាតិ បានឲ្យដឹងថា ទីក្រុងវ៉ាស៊ីនតោន បានបញ្ជាក់យ៉ាងច្បាស់ថា ខ្លួនគ្រាន់តែគាំទ្រដំណោះស្រាយ ដែលអំពាវនាវឱ្យមានការដោះលែង ចំណាប់ខ្មាំងជាបន្ទាន់ ដែលជាផ្នែកនៃបទឈប់បាញ់។

លោក បាន ថ្លែង ថា “ដំណោះស្រាយ នឹង បាន ផ្ញើ សារ ដ៏ គ្រោះថ្នាក់ មួយ ទៅ កាន់ ក្រុម ហាម៉ាស់ថា មិន ចាំបាច់ ត្រឡប់ មក តុ ចរចា វិញ នោះទេ”៕