រន្ធត់ណាស់! រថយន្តកុងតឺន័រដឹកឈើ រេចង្កូតបុករះនៅចំណោតលោកយាយម៉ៅរបួសធ្ងន់ស្រាលជាច្រើននាក់
ភ្នំពេញ៖ ហេតុការណ៍ដ៏រន្ធត់មួយបានកើតឡើងដោយ រថយន្តដឹកកុងតឺន័រដឹកឈើមួយគ្រឿង បានរេចង្កូតបុករះទៅលើរថយន្តមួយចំនួនទៀត នៅតាមបណ្តោយផ្លូវចំណោតចុះពីលោកយាយម៉ៅ ស្ថិតត្រង់ចំណុចស្តុបកែងរ៉ាក្រុងព្រះសីហនុ បណ្ដាលមនុស្សប្រុសស្រី និងកុមាររងរបួសធ្ងន់ស្រាលជាច្រើន។
ហេតុការណ៍នេះ កើតឡើងកាលពីវេលាម៉ោងប្រមាណ១៨:៤៥នាទីយប់ថ្ងៃ២១ ខែវិច្ឆិកា ឆ្នាំ២០២៤នេះ ស្ថិតនៅក្នុងសង្កាត់លេខ៣ ក្រុងព្រះសីហនុ ខេត្តព្រះសីហនុ។
ប្រភពពីមន្ត្រីសមត្ថកិច្ច បានឱ្យដឹងថា ក្រោយកើតហេតុ កម្លាំងសមត្ថកិច្ចចម្រុះ បានចុះជួយអន្តរាគមន៍ភ្លាមៗ ដោយព្យាយាមជួយសង្គ្រោះជនរងគ្រោះចេញពីកន្លែងកើតហេតុដឹកយកទៅកាន់មន្ទីរពេទ្យ ដើម្បីសង្គ្រោះអាយុជីវិត ខណៈអ្នកស្លាប់មានចំនួនប៉ុន្មាននាក់នោះ នៅមានទាន់មានរបាយការណ៍បញ្ជាក់ច្បាស់លាស់នៅឡើយទេ៕
