សម្ដេចធិបតី ហ៊ុន ម៉ាណែត៖ សាសនា ជួយដល់សង្គមរស់នៅរបស់មនុស្សឱ្យមានសុខដុម និងប្រកបដោយសីលធម៌
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងថា សាសនាមានសារប្រយោជន៍សំខាន់ នៅក្នុងការរួមចំណែកដល់ប្រព័ន្ធច្បាប់ និងជួយដល់សង្គមរស់នៅរបស់មនុស្សឱ្យមានសុខដុម និងប្រកបដោយសីលធម៌ ។
ក្នុងឱកាសអញ្ជើញជាអធិបតី បិទអនុសំវច្ឆរមហាសន្និបាតមន្ត្រីសង្ឃ ទូទាំងប្រទេសលើកទី៣២ ឆ្នាំ២០២៤ នាថ្ងៃទី២៣ វិច្ឆិកានេះ សម្ដេចធិបតី ហ៊ុន ម៉ាណែត បានមានប្រសាសន៍ថា ការអប់រំតាមបែបព្រះពុទ្ធសាសនា បានចូលរួមលើកកម្ពស់ការអប់រំនៅកម្ពុជា ជាពិសេសនៅក្នុងសង្គមមនុស្សឱ្យមានចំណេះដឹង ប្រកបដោយគុណធម៌ ចរិយាធម៌ និងស្នេហាជាតិ ដើម្បីចូលរួមអភិវឌ្ឍន៍ប្រទេស និងសង្គមជាតិ ៕
