ឯកឧត្តមបណ្ឌិត អ៊ុន ឃាង រដ្ឋលេខាធិការក្រសួងការបរទេស ជួបពិភាក្សាការងារជាមួយសាកលវិទ្យាធិការនៃសាកលវិទ្យាល័យកិច្ចការបរទេសចិន
ភ្នំពេញ៖ នៅថ្ងៃទី៣ ខែធ្នូ ឆ្នាំ២០២៤ ឯកឧត្តមបណ្ឌិត អ៊ុន ឃាង រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ បានជួបពិភាក្សាការងារជាមួយឯកឧត្តម វ៉ាង ស៊ីធីង (WANG Shiting) សាកលវិទ្យាធិការនៃសាកលវិទ្យាល័យកិច្ចការបរទេសចិន (CFAU) ដើម្បីស្វែងរកលទ្ធភាពក្នុងការធ្វើកិច្ចសហប្រតិបត្តិការរួមគ្នារវាងវិទ្យាស្ថានជាតិការទូត និងទំនាក់ទំនងអន្តរជាតិ (NIDIR) ជាមួយ CFAU ។
នៅក្នុងជំនួបនោះ ឯកឧត្តមរដ្ឋលេខាធិការក៏បានចែករំលែកអំពីសារៈសំខាន់នៃកិច្ចសហប្រតិបត្តិការរវាងវិទ្យាស្ថាន NIDIR ជាមួយដៃគូអន្តរជាតិនានា ក្នុងការចូលរួមចំណែកលើកកម្ពស់គុណភាព និងប្រសិទ្ធភាពនៃការបណ្តុះបណ្តាលផ្នែកការទូតជូនដល់មន្ត្រីការទូតកម្ពុជា។
ឯកឧត្តមរដ្ឋលេខាធិការ បានសង្កត់ធ្ងន់លើកិច្ចខិតខំប្រឹងប្រែងរបស់វិទ្យាស្ថាន NIDIR ក្នុងការស្វែងរកកិច្ចសហប្រតិបត្តិការបន្ថែមទៀតជាមួយដៃគូបរទេស ជាពិសេសជាមួយសាកលវិទ្យាល័យកិច្ចការបរទេសចិន៕
