អភិបាលខេត្តពោធិ៍សាត់ ជួបសំណេះសំណាល និងដោះស្រាយបញ្ហាប្រឈមនានា របស់អាជីវករផ្សារថ្មីពោធិ៍សាត់
ភ្នំពេញ៖ នៅថ្ងៃទី៤ ខែធ្នូ ឆ្នាំ២០២៤ ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ បានអញ្ជើញចុះជួបសំណេះសំណាល សួរសុខទុក្ខ និងដោះស្រាយបញ្ហាប្រឈមនានា ដែលជាតម្រូវការចាំបាច់ របស់បងប្អូនអាជីវករផ្សារថ្មីពោធិ៍សាត់ ប្រកបដោយភាពស្និតស្នាលក្រៃលែង។
បន្ទាប់មក ឯកឧត្តម បានចុះជួបសំណេះសំណាល សួរសុខទុក្ខ និងដោះស្រាយបញ្ហាប្រឈមនានា ដែលជាតម្រូវការចាំបាច់ ដើម្បីអភិវឌ្ឍន៍វិទ្យាល័យពោធិ៍សាត់ ឲ្យក្លាយជាថ្នាលបណ្តុះបណ្តាលប្រកបដោយនវានុវត្តន៍។
ឯកឧត្តម បានបន្តចុះពិនិត្យមើលអាគារដែលបាននិងកំពុងសាងសង់បាន ៥០ភាគរយ និងបានឆ្លៀតមើលសកម្មភាពការដាំដុះ និងបរិស្ថាន របស់គ្រូសិស្សអនុវិទ្យាល័យពោធិ៍សាត់ផងដែរ ៕
