**ក្រសួងសាធារណការ គាំទ្រការប្រើប្រាស់យានយន្តអគ្គិសនី ស្របតាមផែនទីបង្ហាញផ្លូវការអភិវឌ្ឍវិស័យយានយន្ត និងអេឡិចត្រូនិកកម្ពុជា**រដ្ឋមន្ត្រីក្រសួងអប់រំ អញ្ជើញប្រគល់រង្វាន់ មេដាយ និងវិញ្ញាបនបត្រជូនសិស្សានុសិស្សឆ្នើម នៃការប្រឡងគណិតវិទ្យាអង្គរលើកទី៤ ប្រចាំឆ្នាំ២០២៤**រដ្ឋមន្ត្រីក្រសួងព័ត៌មាន៖ ការវិនិយោគទៅលើកុមារគឺជាការវិនិយោគធំណាស់សម្រាប់ប្រទេសជាតិ**សម្ដេចធិបតី ហ៊ុន ម៉ាណែត និងលោកជំទាវ ឧបត្ថម្ភជូនគ្រួសារអតីតយុទ្ធជន និងប្រជាពលរដ្ឋ ដែលមានជីវភាពលំបាកខ្វះខាតនៅឃុំដងកាំបិត ស្រុកសណ្ដាន់**មន្ទីរពេទ្យបង្អែកខេត្តព្រះសីហនុ បំភ្លឺពាក់ព័ន្ធនឹងការចុះផ្សាយព័ត៌មានមិនពិត ដែលបានផ្សាយថាមន្ទីរពេទ្យទុកអ្នកជំងឺក្រីក្រចោលមិនព្យាបាល**នាយកដ្ឋានប្រឆាំងបទល្មើសបច្ចេកវិទ្យា ស្រាវជ្រាវ និងចាប់ខ្លួនជនសង្ស័យម្នាក់ ដែលជាមុខសញ្ញាសកម្មលើបទល្មើសឆបោកប្រាក់តាមបណ្ដាញសង្គម**លោក Xi Jinping ជួបសន្ទនាជាមួយលោក Cen Haohui**ប្រសាសន៍ដ៏រួសរាយរបស់លោក Xi Jinpingធ្វើឱ្យគ្រប់មជ្ឈដ្ឋាននៅម៉ាកាវរំភើបចិត្ត**បទវិភាគ៖ការអនុវត្ត”ប្រទេសមួយ ប្រព័ន្ធគ្រប់គ្រងពីរ”ដែលប្រកបដោយលក្ខណៈពិសេសម៉ាកាវទទួលបានផលជោគជ័យដោយគាប់ប្រសើរ**កំពង់ផែស្វយ័តក្រុងព្រះសីហនុ សម្រេចបានបរិមាណកុងតឺន័រឆ្លងកាត់កំពង់ផែចំនួន១លានTEUs**ឃាត់ខ្លួនក្មេងទំនើងចំនួន៤នាក់ ពាក់ព័ន្ធករណីដឹកជញ្ជូនកាន់កាប់អាវុធដោយគ្មានការអនុញ្ញាត**ឯកឧត្តម ហ៊ុន ម៉ានី អញ្ជើញសួរសុខទុក្ខ និងនាំយកកាដូ ជូនកុមារនៅអង្គការផ្ទះបាយកុមារ**ឯកឧត្តម ហ៊ុន ម៉ានី ប្រាប់យុវជន មុននឹងធ្វើអ្វី ត្រូវគិតគិតពីប្រយោជន៍ជាតិជាធំ**ក្រសួងបរិស្ថាន ដាក់ចេញនូវមុំយុទ្ធសាស្រ្ត “ភាពបៃតង” ឆ្ពោះទៅកម្ពុជាមានគម្របបៃតងច្រើន និងជាប្រទេសអព្យាក្រឹតកាបូននៅឆ្នាំ២០៥០**ក្រសួងធនធានទឹក ណែនាំឱ្យមានការ ប្រុងប្រយ័ត្ន ខ្ពស់ ចំពោះស្ថានភាពធាតុអាកាសដែល ប្រែប្រួលយ៉ាងឆាប់រហ័ស ដើម្បី ជៀសវាងពីគ្រោះថ្នាក់ផ្សេងៗ**ក្រុមឧទ្យានុរក្ស សហការជាមួយ កងកម្លាំងចម្រុះ ចុះប្រតិបត្តិការក្នុងភូមិសាស្ត្រខេត្តប៉ៃលិន ចំនួន ៨គោលដៅ**ស្ថានភាពធាតុអាកាសនៅកម្ពុជាសម្រាប់ថ្ងៃទី២២ ខែធ្នូ ឆ្នាំ២០២៤**មន្ត្រីជាន់ខ្ពស់ក្រសួងធនធានទឹក ចុះពិនិត្យជាក់ស្តែងវឌ្ឍនភាពនៃគម្រោងប្រព័ន្ធរំដោះទឹក និងពង្វាងទឹកចេញពីរាជធានីភ្នំពេញ**អត្ថប្រយោជន៍នៃការបណ្តុះបណ្តាលបុគ្គលិកអំពីសន្តិសុខសាយប័រ**ប៉ូលីស​ថៃ​បាន​ឆ្មក់​ចូល​ឃ្លាំង​អាវុធ​មួយ​កន្លែងដែលមានកាំភ្លើង និងគ្រាប់រំសេវខុសច្បាប់មួយចំនួនធំត្រូវបានរឹបអូស

ប្រធានាធិបតីជាប់ឆ្នោតអាមេរិក ជំរុញឱ្យអ៊ុយក្រែន និងរុស្ស៊ីបង្ហាញលក្ខខណ្ឌសម្រាប់បទឈប់បាញ់

វ៉ាស៊ីនតោន៖ ប្រធានាធិបតីជាប់ឆ្នោតរបស់សហរដ្ឋអាមេរិក លោក ដូណាល់ ត្រាំ បានអំពាវនាវឱ្យមានបទឈប់បាញ់ និងការចរចាជាបន្ទាន់រវាងអ៊ុយក្រែន និងរុស្ស៊ី ដើម្បីបញ្ចប់ជម្លោះដែលកំពុងបន្ត ដែលជំរុញឱ្យប្រធានាធិបតីអ៊ុយក្រែនលោក វ៉ូឡូឌីមៀ ហ្សេឡេនស្គី និងវិមានក្រឹមឡាំងរៀបចំបញ្ជីលក្ខខណ្ឌរបស់ពួកគេ។

លោក ត្រាំ បានធ្វើអត្ថាធិប្បាយបែបនេះត្រឹមតែប៉ុន្មានម៉ោងបន្ទាប់ពីបានជួបជាមួយលោក ហ្សេឡេនស្គី នៅទីក្រុងប៉ារីសសម្រាប់ការចរចាទល់មុខគ្នាជាលើកដំបូងចាប់តាំងពីឈ្នះការបោះឆ្នោតនៅសហរដ្ឋអាម៉េរិក។

លោកបានប្ដេជ្ញាថានឹងធ្វើការចរចាបញ្ចប់ជម្លោះ ប៉ុន្តែរហូតមកដល់ពេលនេះមិនបានផ្តល់ព័ត៌មានលម្អិតទេ។ លោក ត្រាំ បានសរសេរនៅលើវេទិកាប្រព័ន្ធផ្សព្វផ្សាយសង្គម Truth Social ថាលោក ហ្សេឡេនស្គី និងអ៊ុយក្រែនចង់ធ្វើកិច្ចព្រមព្រៀងមួយ និងបញ្ឈប់ភាពវឹកវរ។ រដ្ឋធានីកៀវបានបាត់បង់ទាហានប្រមាណ ៤០០,០០០នាក់ ដូច្នេះវាគួរតែមានបទឈប់បាញ់ជាបន្ទាន់ ហើយការចរចាគួរតែចាប់ផ្តើម។ លោកស្គាល់លោក ពូទីន យ៉ាងច្បាស់ នេះជាពេលវេលាដ៏សមស្របមួយ ហើយប្រទេសចិនអាចជួយបាន។ ពិភពលោកកំពុងរង់ចាំ។

លោក ត្រាំ និងលោក ហ្សេឡេនស្គី បានជួបពិភាក្សាគ្នារយៈពេលមួយម៉ោង រួមជាមួយប្រធានាធិបតីបារាំង លោក អេម៉ានុយអែល ម៉ាក្រុង ផងដែរ។ លោក ត្រាំ និងលោក ហ្សេឡេនស្គី បានចាប់ដៃគ្នាទាំងញញឹម ប៉ុន្តែវាមិនច្បាស់ទេថាតើការសន្ទនាបានទៅជាយ៉ាងណា។ ភាគីបារាំងនិងអ៊ុយក្រែនបានបញ្ជាក់ថាការពិភាក្សាដំណើរការទៅបានល្អ និងមានផ្លែផ្កសា។

យ៉ាងណាមិញ លោក ហ្សេឡេនស្គី បានប្រតិកម្មទៅនឹងសាររបស់លោក ត្រាំ ដោយនិយាយថា សន្តិភាពមិនមែនគ្រាន់តែជាក្រដាសមួយសន្លឹកប៉ុណ្ណោះទេ ប៉ុន្តែត្រូវការការធានាប្រកបដោយប្រសិទ្ធភាពសម្រាប់សន្តិភាព។

លោកបានលើកឡើងថា នៅពេលពិភាក្សាសន្តិភាពជោគជ័យជាមួយរុស្ស៊ី ជាដំបូងយើងត្រូវពិចារណាលើការធានាសន្តិភាពប្រកបដោយប្រសិទ្ធភាព។ ប្រជាជនអ៊ុយក្រែនប្រាថ្នាសន្តិភាពជាងអ្នកណាទាំងអស់។ សង្គ្រាមមិនអាចដោះស្រាយបានដោយក្រដាសមួយសន្លឹក និងហត្ថលេខាមួយចំនួនបាននោះទេ។ បទឈប់បាញ់ដោយគ្មានការធានាអាចត្រូវបានបំពាននៅពេលណាក៏បានដូចដែលលោក ពូទីន បានធ្វើកន្លងមក។ ដើម្បីធានាថាប្រជាជនអ៊ុយក្រែនមិនទទួលរងការស្លាប់និងរបួសបន្ថែមទៀត យើងត្រូវរក្សាស្ថិរភាពនៃសន្តិភាព។

អ្នកនាំពាក្យវិមានក្រឹមឡាំង លោក ឌីមីទ្រី ប៉េស្កូវ បានរៀបចំសន្និសិទជាមួយអ្នកសារព័ត៌មាន ដើម្បីឆ្លើយតបការអត្ថាធិប្បាយរបស់លោក ត្រាំ។ លោក ប៉េស្កូវ បាននិយាយថា រុស្ស៊ីបើកចំហសម្រាប់កិច្ចពិភាក្សា ប៉ុន្តែពួកគេត្រូវតែផ្អែកលើកិច្ចព្រមព្រៀងនៅទីក្រុងអ៊ីស្តង់ប៊ុលក្នុងឆ្នាំ២០២២ និងស្ថានភាពពិតប្រាកដនៃសមរភូមិបច្ចុប្បន្ន។ លោក ពូទីន បាននិយាយម្ដងហើយម្ដងទៀតថា កិច្ចព្រមព្រៀងបឋមនៅទីក្រុងអ៊ីស្តង់ប៊ុលអាចជាមូលដ្ឋានសម្រាប់កិច្ចពិភាក្សានាពេលអនាគត។

លោក ប៉េស្កូវ មានរាយរាប់ថា ជំហររបស់យើងចំពោះអ៊ុយក្រែន ត្រូវបានបញ្ជាក់យ៉ាងច្បាស់។ លក្ខខណ្ឌសម្រាប់ការបញ្ឈប់អរិភាពជាបន្ទាន់ ត្រូវបានកំណត់ដោយប្រធានាធិបតី ពូទីន នៅក្នុងសុន្ទរកថារបស់គាត់ទៅកាន់ក្រសួងការបរទេសរុស្ស៊ីក្នុងខែមិថុនាឆ្នាំនេះ។ វាជារឿងសំខាន់ក្នុងការរំលឹកថា អ៊ុយក្រែនជាអ្នកបដិសេធ និងបន្តបដិសេធការចរចា។

គួររំឭកថា លោក ពូទីន ក៏បានបញ្ជាក់ផងដែរថា អ៊ុយក្រែនមិនត្រូវចូលរួមជាមួយសម្ព័ន្ធមិត្តយោធាណាតូឡើយ ហើយថា រុស្ស៊ីគួរតែត្រូវបន្តការគ្រប់គ្រងពេញលេញលើតំបន់ចំនួនបួនរបស់អ៊ុយក្រែន ដែលកងទ័ពរបស់ខ្លួនគ្រប់គ្រងដោយផ្នែក។ លោក ប៉េស្កូវ ក៏បានកត់សម្គាល់ផងដែរថា លោក ហ្សេឡេនស្គី បានហាមឃាត់ការទំនាក់ទំនងជាមួយថ្នាក់ដឹកនាំរុស្ស៊ីតាមរយៈក្រឹត្យពិសេសមួយ ដែលនឹងត្រូវលុបចោលប្រសិនបើការចរចាត្រូវបន្ត។

អត្ថបទដែលជាប់ទាក់ទង