អាវុធហត្ថខេត្តកំពង់ស្ពឺ ឃាត់ខ្លួនអ្នកក្លាហានកាំបិតផ្គាក់ម្នាក់ និងមនុស្ស ៣នាក់ទៀត ពាក់ព័ន្ធករណីគ្រឿងញៀន

ភ្នំពេញ៖ ដោយអនុវត្តតាមបទបញ្ជារបស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថខេត្តកំពង់ស្ពឺ និងមានការសម្របសម្រួលពីលោក ទិន សុចិត្រា ព្រះរាជអាជ្ញារងអមសាលាដំបូងខេត្តកំពង់ស្ពឺ កម្លាំងអាវុធហត្ថខេត្តកំពង់ស្ពឺបានបង្ក្រាបករណីគ្រឿងញៀន០២ករណី និងឃាត់ខ្លួនក្មេងទំនើងចំនួន ០១ករណី។

ករណីទី១៖ នៅថ្ងៃទី២៦ ខែធ្នូ ឆ្នាំ២០២៤ វេលាម៉ោង១៦:៥០នាទី កម្លាំងកងរាជអាវុធហត្ថខេត្តកំពង់ស្ពឺ បានសហការកម្លាំងមូលដ្ឋានកងរាជអាវុធហត្ថក្រុងច្បារមន ដែលដឹកនាំដោយលោកវរសេនីយ៍ត្រី ធី ឆៃ មេបញ្ជាការ មូលដ្ឋាន កងរាជអាវុធហត្ថក្រុងច្បារមន ។ឃាត់ខ្លួនជនសង្ស័យចំនួន០១នាក់ នៅចំណុច ភូមិព្រៃកំពោង ឃុំកាហែង ស្រុកសំរោង ខេត្តកំពង់ស្ពឺ។ឈ្មោះ ភៀវ សុភាព ភេទស្រី អាយុ៤៤ឆ្នាំ មុខរបរលក់ដូរ មានទីលំភូមិថ្នល់បំបែក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ។
បានដកហូតវត្ថុតាងរួមមាន:ម្សៅក្រាមសរថ្លាចំនួន២កញ្ចប់ និងទូរស័ព្ទចំនួន០១គ្រឿង។

ករណីទី២៖ នៅថ្ងៃទី២៦ ខែធ្នូ ឆ្នាំ២០២៤ វេលាម៉ោង២៣:៥០នាទី ការិយាល័យប្រឆាំងគ្រឿងញៀន បានទទួលជនសង្ស័យចំនួន០២នាក់ និងវត្ថុតាង ពាក់ព័ន្ធករណី គ្រឿងញៀន ពីមូលដ្ឋានកងរាជអាវុធហត្ថស្រុកភ្នំស្រួច ដែលប្រព្រឹត្តនៅវេលាម៉ោង ២១:០៧នាទី ថ្ងៃខែឆ្នាំដដែល ចំណុចភូមិបី ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ ។ ជនសង្ស័យរួមមាន:ទី១.ឈ្មោះ នៅ វាសនា ភេទប្រុស អាយុ១៧ឆ្នាំ មុខរបរ មិនពិតប្រាកដ មានទីលំភូមិបី ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ នឹងទី២.ឈ្មោះ ម៉ាន សំណាង ភេទប្រុស អាយុ១៧ឆ្នាំ មុខរបរ មិនពិតប្រាកដ មានទីលំភូមិបួន ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ ។ ចាប់យកវត្ថុតាងរួមមាន:ម្សៅក្រាមសរថ្លាចំនួន ០១កញ្ចប់,ទូរស័ព្ទ ចំនួន ០២គ្រឿង នឹងម៉ូតូចំនួន ០១គ្រឿង។

ករណីទី៣៖កម្លាំងអង្គភាពនគបាលយុត្តិធម៌ និងកម្លាំងអន្ដរាគម៍ បានឃាត់ខ្លួនក្មេងទំនើង០១នាក់ (កាន់កាំបិតផ្គាក់) ឈ្មោះ ឈិន សីហា ភេទប្រុស អាយុ១៩ឆ្នាំ មុខរបបមិនពិតប្រាកដ មានទីលំនៅភូមិរស្មីសាមគ្គី ឃុំរស្មីសាមគ្គី ស្រុកឱរ៉ាល់ ខេត្តកំពង់ស្ពឺ។ដកបានសម្ភារ:រួមមាន៖ម៉ូតូ ១គ្រឿង នឹងកាំបិតផ្គាក់០១ដើម។

បច្ចុប្បន្នជនសង្ស័យនិងវត្ថុតាងត្រូវបានបញ្ជូនមកបញ្ជាការដ្ឋានកងរាជអាវុធហត្ថខេត្តកំពង់ស្ពឺ ដើម្បីបន្តធ្វើនិតិវិធី៕