អគ្គីភ័យឆាបឆេះសណ្ឋាគារមួយកន្លែងនៅទីក្រុងបាងកក សម្លាប់ជនបរទេស ៣នាក់ និងមនុស្សជាច្រើននាក់ទៀតរងរបួស

បាងកក៖ ប៉ូលិសថៃបានរាយការណ៍ថា អគ្គីភ័យបានឆាបឆេះសណ្ឋាគារមួយនៅលើផ្លូវ Khao San នៃទីក្រុងបាងកក ដែលជាតំបន់ទេសចរណ៍ដ៏ពេញនិយមមួយ ដោយបានសម្លាប់ជនបរទេស ៣នាក់ និងមនុស្សជាច្រើននាក់ទៀតរងរបួស។

លោកវរសេនីយ៍ឯក សានុង សាំងម៉ានី (Sanong Saengmanee) ប៉ូលិសបានប្រាប់សារព័ត៌មាន The Associated Press ថា អ្នកទាំងបីនាក់ដែលបានស្លាប់ក្នុងអគ្គីភ័យកាលពីយប់ថ្ងៃទី ២៩ ខែធ្នូ គឺជាអ្នកទេសចរបរទេសទាំងអស់។ ម្នាក់ ត្រូវ បាន គេ ប្រទះ ឃើញ ស្លាប់ នៅ កន្លែង កើត ហេតុ និង ពីរ នាក់ ទៀត ស្លាប់ បន្ទាប់ ពី បញ្ជូន ទៅ កាន់ មន្ទីរពេទ្យ។

ប៉ូលិស បាន បន្ថែម ថា អគ្គិភ័យ បាន ឆាបឆេះ នៅ ជាន់ ទី៥ នៃ សណ្ឋាគារ Ember Hotel កម្ពស់ ៦ជាន់។ ផ្លូវ Khao San គឺជាផ្លូវដ៏ពេញនិយមមួយនៅក្នុងរាជធានីថៃ ដែលត្រូវបានគេស្គាល់ផងដែរសម្រាប់ការកម្សាន្តពេលរាត្រីដ៏រស់រវើក។

មូលហេតុនៃការឆាបឆេះកំពុងស្ថិតក្រោមការស៊ើបអង្កេត។ មនុស្សចំនួន៧៥នាក់បានស្នាក់នៅក្នុងសណ្ឋាគារនៅពេលភ្លើងឆេះ។ មនុស្ស ៧ នាក់ បាន រង របួស ក្នុង នោះ មាន ជនជាតិ ថៃ ២ នាក់ និង ជនបរទេស ៥ នាក់ ។

អភិបាលក្រុងបាងកក លោក ឆាដឆាត សិទ្ធិភុន (Chadchart Sittipunt) បានសង្កត់ធ្ងន់លើសារសំខាន់នៃសុវត្ថិភាពបន្ទាប់ពីឧបទ្ទវហេតុនេះ ជាពិសេសនៅពេលដែលពិធីបុណ្យចូលឆ្នាំសកលខិតជិតមកដល់ ដោយមានការបាញ់កាំជ្រួច និងការប្រារព្ធពិធីផ្សេងៗទៀតដែលត្រូវបានគ្រោងទុកនៅទូទាំងទីក្រុង៕