ក្រុមក្មេងទំនើងរហ័សនាម «Team22» ត្រូវបានកម្លាំងអាវុធហត្ថខេត្តកំពង់ស្ពឺបង្ក្រាបបាន ៥នាក់
ភ្នំពេញ៖ ដោយមានការចង្អុលបង្ហាញពី លោកឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថខេត្តកំពង់ស្ពឺ នៅថ្ងៃទី៣០ ខែធ្នូ ឆ្នាំ២០២៤ វេលាម៉ោង ១១:២០នាទី
កម្លាំងជំនាញ ការិយាល័យព្រហ្មទណ្ឌ អាវុធហត្ថក្រុងភ្នំពេញ បានចុះសហការជាមួយកម្លាំងជំនាញអាវុធហត្ថខេត្តកំពង់ស្ពឺ និងកម្លាំងជំនាញស្រុកគងពិសី ធ្វើការឃាត់ខ្លួនជនសង្ស័យចំនួន០៥នាក់៖ទី១-ឈ្មោះ សុខ ដារូត ភេទប្រុស អាយុ ១៧ឆ្នាំ,ទី២-ឈ្មោះ សុខ ដារដ្ឋ ភេទប្រុស អាយុ ៣០ឆ្នាំ,ទី៣-ឈ្មោះ សុខ រក្សា ភេទប្រុស អាយុ ២៧ឆ្នាំ,ទី៤-ឈ្មោះ សាន ជេក ភេទប្រុស អាយុ ២៥ឆ្នាំ នឹងទី៥-ឈ្មោះ រិន អែម ភេទប្រុស អាយុ ២២ឆ្នាំ។
គួរបញ្ជាក់ផងដែរថាក្រុមក្មេងទំនើងដែលបានដាក់រហ័សនាមខ្លួនឯងជា«Team22» ទោះបីពួកគេមិនទាន់ប្រព្រឹត្តបទល្មើសក៏ដោយ ប៉ុន្តែពួកគេបានបង្ហោះអួត និងសំញ៉ែងពីភាពខ្លាំងរបស់ខ្លួននៅតាម TikTok និងប្រកាស ចង់វាយជាមួយគូជម្លោះ ដែលជាការប៉ុនប៉ងបង្កសកម្មភាពបទល្មើសតាមមូលដ្ឋាន។
ចាប់យកវត្ថុតាងរួមមាន ៖ទូរស័ព្ទចំនួន០៥គ្រឿង នឹងម៉ូតូចំនួន០៣គ្រឿង ។
បច្ចុប្បន្នជនសង្ស័យនិងរួមវត្ថុតាងត្រូវបានបញ្ជូនមកការិយាល័យព្រហ្មទណ្ឌ បញ្ជាការដ្ឋានកងរាជអាវុធហត្ថខេត្តកំពង់ស្ពឺ ដើម្បីធ្វើការសាកសួរតាមនីតិវិធី៕
