ឯកឧត្តម អ៊ុំ រាត្រី អញ្ជើញចុះពិនិត្យមើលសាលាមត្តេយ្យសិក្សាធនធាន កកោះ និងសាលាមត្តេយ្យសិក្សាធនធាន គយម៉ែង

បន្ទាយមានជ័យ ៖ ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ នៅថ្ងៃទី៣០ ខែធ្នូ ឆ្នាំ ២០២៤ បានអញ្ជើញចុះពិនិត្យមើលសាលាមត្តេយ្យសិក្សាធនធានចំនួនពីរ គឺសាលាមេត្តេយ្យសិក្សាធនធាន កកោះ ស្ថិតនៅក្នុងឃុំក្រាម ស្រុក ស្វាយចេក និងសាលាមត្តេយ្យសិក្សាធនធាន គយម៉ែងស្ថិតនៅឃុំគយ ម៉ែង ស្រុកមង្គលបូរី កំពុងតែរៀបចំកែលម្អទីធ្លា ចាក់បេតុង មុខទីធ្លាសាលា ដែលជាអំណោយដ៏ថ្លៃថ្លារបស់ ឯកឧត្ដម អ៊ុំ រាត្រី និងលោកជំទាវ។

ក្នុងឱកាសនោះដែរឯកឧត្តម អ៊ុំ រាត្រី ក៏បានថ្លែងនូវការកោតសរសើរចំពោះថ្នាក់ដឹកនាំនៃសាលាទីពីរ ដែលបានខិតខំប្រឹងប្រែងកែលម្អសាលាឱ្យមានសោភ័ណ្ឌភាពស្រស់ស្អាតប្រកបដោយផាសុខភាព និងអនាម័យ។ ជាពិសេសទាំងការបង្រៀន ប្រកបដោយស្តង់ដារ និងមានការអប់រំដល់ក្មួយៗសិស្សានុសិស្សចេះស្តាប់ដំបូន្មាន ចេះគោរពចាស់ទុំ បានយ៉ាងល្អប្រសើរ។

សូមបញ្ជាក់ផងដែរថា សាលាមត្តេយ្យសិក្សាធនធានកកោះ និងសាលាមត្តេយ្យសិក្សាធនធានគយម៉ែង ក៏បានចូលរួមប្រឡងប្រណាំ ង ការផ្តល់សេវាសាធារណៈគំរូក្នុងវិស័យអប់រំ ហេីយក៏ទទួលបានលទ្ធផលល្អប្រសេីរ ដោយមានអង្គភាពចំនួន៦ ដែលទទួលបានជ័យលាភី បានឆ្លងផុតដំណាក់កាល TOP10 ហើយដែលនឹងត្រូវចូលរួមប្រកួត យកជ័យលាភីក្នុងលំដាប់TOP5 ជាបន្តទៀតអង្គភាពទាំងអស់នោះមាន ក៏មានសាលាមត្តេយ្យសិក្សាធនធានកកោះ និងសាលាមត្តេយ្យសិក្សាធនធានគយម៉ែងផងដែរ៕