បញ្ជាការដ្ឋានយោធភូមិភាគពិសេស បិទ-បើកវគ្គហ្វឹកហ្វឺនបំប៉នជំនាញដៃចង្កូត បើកបររថយន្តធន់ធ្ងន់ឆ្នាំ២០២៤-២០២៥ ជំនាន់ទី៣
ភ្នំពេញ៖ ឯកឧត្តម ឧត្តមសេនីយ៍ទោ ប៉ូ វណ្ណៈ មេបញ្ជាការរង នាយសេនាធិការ តំណាងដ៏ខ្ពង់ខ្ពស់ ឯកឧត្តម ឧត្តមសេនីយ៍ឯក ពូ សាប៊ុតឌី មេបញ្ជាការរងកងទ័ពជើងគោក មេបញ្ជាការយោធភូមិភាគពិសេស នៅថ្ងៃទី៣ ខែមករា ឆ្នាំ២០២៥បានអញ្ជើញជាអធិបតី ក្នុងពិធីបិទ-បើកវគ្គហ្វឹកហ្វឺនបំប៉នជំនាញដៃចង្កូត បើកបររថយន្តធន់ធ្ងន់ឆ្នាំ២០២៤-២០២៥ ជំនាន់ទី៣ នៅបញ្ជាការដ្ឋានយោធភូមិភាគពិសេស ដែលមានសមាសភាពអញ្ជើញចូលរួមចំនួន ៥៣រូប ។
ឧត្តមសេនីយ៍ទោ ប៉ូ វណ្ណៈ បានផ្តាំផ្ញើដល់សិក្ខាកាមទាំងអស់ក្នុងវគ្គហ្វឹកហ្វឺនបំប៉នជំនាញដៃចង្កូត ខាងក្រោម៖
១.ត្រូវស្មោះត្រង់នឹងរាជរដ្ឋាភិបាល ដែលប្រសូតចេញពីការបោះឆ្នោតក្នុងអាណត្តិទី៧នេះ និងបន្តគាំទ្រសម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី គ្រប់ៗអាណត្តិបន្តទៀត
-កងទ័ពត្រូវតែជាកងទ័ពដែលមានវិជ្ជាជីវៈខ្ពស់ ដាច់ខាតត្រូវតែស្មោះត្រង់ចំពោះជាតិមាតុភូមិ និងប្រជាជន
-យកអស់ស្មារតី គោរពឱ្យបានម៉ឺងម៉ាត់រាល់បទបញ្ញតិ្ត សារាចរណែនាំ លក្ខខន្តិកៈរបស់កងយោធពលខេមរភូមិន្ទ បទដ្ឋានគតិយុត្តិ
-ប្រកាន់ខ្ជាប់ប្រពៃណី សេចក្តីថ្លៃថ្នូររបស់កងយោធពលខេមរភូមិន្ទ ដើម្បីជាកម្លាំងពិត ដើម្បីការពារជាតិមាតុភូមិ និងប្រជាជន ។
២.អនុវត្តឱ្យបានល្អ និងម៉ឺងម៉ាត់បំផុតនូវចំណេះជំនាញ ដែលបានហ្វឹកហ្វឺនរួចយកទៅអនុវត្តតាមអង្គភាពនីមួយៗឱ្យបានឯកភាពគ្នា ធ្វើឱ្យប្រព័ន្ធវិទ្យុទាក់ទងរបស់យើង មានប្រសិទ្ធភាពខ្ពស់។
៣. រក្សាបានការសម្ងាត់ល្អ គ្រប់វិស័យក្នុងកងទ័ព ជាពិសេសរបស់អង្គភាពនីមួយៗ ។
៤.ត្រូវគោរពឲ្យបានដាច់ខាតនូវវិន័យ របស់កងយោធពលខេមរភូមិន្ទ ត្រូវមានសីលធម៌ល្អ អត្ត
ចរិកស្លូតបូត សុភាពរាបសារ តែម៉ឺងម៉ាត់សមស្របជាកងយោធពលខេមរភូមិន្ទ និងជាអ្នកបន្តវេនដ៏ល្អ។
៥.សិក្ខាកាមពេលបញ្ចប់វគ្គនេះ តាមអង្គភាពត្រូវយកចិត្តទុកដាក់ជំនាញដៃចង្កូត រក្សាឱ្យបានទាំង សម្ភារៈ បរិក្ខា ដែលមានរបស់អង្គភាព នឹងថ្នាក់លើបានបំពាក់ ពេលប្រើប្រាស់មានការខូចខាត់ បាត់បង់ត្រូវជួសជុល ទិញដូរ សងវិញ
– បម្រើការងាររបស់អង្គភាព
– បម្រើ និងបង្កើនចំណេះដឹងផ្ទាល់ខ្លួន និងអង្គភាព
– បម្រើឱ្យការងារប្រយុទ្ធ តាមតួនាទីរបស់ជំនាញ(មុនពេលប្រយុទ្ធ, ក្នុងពេលប្រយុទ្ធ, ក្រោយពេលប្រយុទ្ធ) ។
ក្នុងនាមមេបញ្ជាការរង នាយសេនាធិការ យោធភូមិភាគពិសេស ក៏បានប្រកាសបិទវគ្គហ្វឹកហ្វឺនបំប៉នជំនាញដៃចង្កូត បើកបររថយន្តធុនធ្ងន់ជំនាន់ទី២ ឆ្នាំ២០២៣-២០២៤ និងបើកវគ្គបន្តជំនាន់ទី៣ ឆ្នាំ២០២៤-២០២៥ របស់យោធភូមិភាគពិសេស ចាប់ពីពេលនេះតទៅ ៕
