ពលរដ្ឋក្រីក្រខ្វះខាត ២០គ្រួសារ និងពលរដ្ឋរងគ្រោះដោយភ្លើងឆេះផ្ទះ ២គ្រួសារ នៅស្រុកព្រៃកប្បាស ទទួលបានអំណោយមនុស្សធម៌ ពីសាខាកាកបាទក្រហមកម្ពុជា ខេត្ត
ភ្នំពេញ៖ ឯកឧត្តម វ៉ី សំណាង អភិបាល នៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជា ខេត្តតាកែវ រួមជាមួយសហការី នៅថ្ងៃទី៤ ខែមករា ឆ្នាំ២០២៥ បានអញ្ជើញចុះសួរសុខទុក្ខ និងនាំយកអំណោយមនុស្សធម៌របស់សាខាកាកបាទក្រហមកម្ពុជា ខេត្ត ទៅចែកជូនគ្រួសារប្រជាពលរដ្ឋក្រីក្រខ្វះខាតចំនួន ២០គ្រួសារ និងប្រជាពលរដ្ឋរងគ្រោះដោយភ្លើងឆេះផ្ទះ ចំនួន ០២គ្រួសារ ស្ថិតនៅភូមិចំប៉ា ឃុំចំប៉ា ស្រុកព្រៃកប្បាស ខេត្តតាកែវ ។
ប្រជាពលរដ្ឋរងគ្រោះដោយភ្លើងឆេះផ្ទះ ទទួលបាន: អង្ករ ២៥គីឡូក្រាម, ក្រណាត់តង់ ០១ផ្ទាំង, កន្ទេល ០១រាយ, មុង ០១រាយ, ភួយ ០១រាយ, សារុង ០១រាយ, ក្រម៉ា ០១រាយ, មី ០១កេស, ទឹកត្រី ០៣ដប, ទឹកស៊ីអ៊ីវ ០៣ដប, នំធុង ០១ធុង, ត្រីខកំប៉ុង ០១យួរ, ប្រេងឆា ០១ដប។
ប្រជាពលរដ្ឋក្រីក្រ ទទួលបាន: អង្ករ ២៥គីឡូក្រាម, កន្ទេល ០១រាយ, មុង ០១រាយ, ភួយ ០១រាយ, សារុង ០១រាយ, ក្រម៉ា ០១រាយ, មី ០១កេស, ទឹកត្រី ០៣ដប, ទឹកស៊ីអ៊ីវ ០៣ដប, នំធុង ០១ធុង, ត្រីខកំប៉ុង ០១យួរ, ប្រេងឆា ០១ដប។
