នាយករដ្ឋមន្រ្តីកាណាដា នឹងប្រកាសលាលែងពីតំណែងប្រធានគណបក្ស Liberal Party

អូតាវ៉ា៖ បើយោងតាមការចេញផ្សាយដោយទីភ្នាក់ងារសារព័ត៌មាន Reuters នាយករដ្ឋមន្រ្តីកាណាដា លោក Justin Trudeau ត្រូវបានគេរំពឹងថា នឹងប្រកាសនៅថ្ងៃចន្ទ ទី៦ ខែធ្នូនេះ អំពីការលាលែងពីតំណែងប្រធានគណបក្ស Liberal Party។

ដោយដកស្រង់ពីប្រភពចំនួន ៣ សារព័ត៌មានកាណាដា Globe and Mail រាយការណ៍ថា ការប្រកាសលាលែងរបស់លោក Trudeau ទំនងជាកើតឡើងមុនកិច្ចប្រជុំគណៈកម្មាធិការជាតិសំខាន់ៗ នៅថ្ងៃពុធនេះ។ យ៉ាងនេះក្តីការិយាល័យនាយករដ្ឋមន្រ្តី មិនទាន់ឆ្លើយតបចំពោះសំណើសុំការអត្ថាធិប្បាយនោះទេ។ គេក៏នៅ មិន ច្បាស់ទេ ថា តើ លោក Trudeau នឹង ចាកចេញ ភ្លាមៗ ឬ បន្ត ធ្វើ ជា នាយក រដ្ឋមន្ត្រី រហូត ដល់ មេដឹកនាំ ថ្មី ត្រូវ បាន ជ្រើសរើស។

គួរបញ្ជាក់ថា លោក Trudeau បានឡើងកាន់តំណែងជាមេដឹកនាំសេរីម្នាក់ កាលពីឆ្នាំ ២០១៣ នៅពេលដែល Liberal Party កំពុងមានបញ្ហាខ្លាំង ហើយធ្លាក់ការគាំទ្រមកត្រឹមចំណាត់ថ្នាក់លេខ ៣នៅក្នុងសភាជាលើកដំបូង។ ប្រសិនបើជាការពិត ការចាកចេញរបស់លោក Trudeau ពីគណបក្សដោយគ្មានប្រមុខអចិន្ត្រៃយ៍ នឹងកើតមានឡើង ចំពេលការស្ទង់មតិបង្ហាញថា ក្រុមសេរីនិយមនឹងចាញ់ក្រុមអភិរក្សធ្ងន់ធ្ងរ ក្នុងការបោះឆ្នោតដែលត្រូវតែធ្វើឡើង នៅចុងខែតុលា ឆ្នាំ២០២៥៕