លុយអឺរ៉ូ ធ្លាក់ចុះដល់កម្រិតខ្សោយបំផុតធៀបនឹង ប្រាក់ដុល្លារអាមេរិកក្នុងរយៈពេលជាងពីរឆ្នាំចុងក្រោយនេះ
បរទេស៖ យោងតាមការចេញផ្សាយរបស់ RTលុយអឺរ៉ូ EURO បានធ្លាក់ចុះដល់កម្រិតខ្សោយបំផុតធៀបនឹង ប្រាក់ដុល្លារអាមេរិកក្នុងរយៈពេល ជាងពីរឆ្នាំចុងក្រោយនេះ។
គិតត្រឹមដើមខែមករានេះលុយ EURO ស្មើនឹងលុយដុល្លារ USD ត្រឹមតែ១,០៣ប៉ុណ្ណោះដែល ការ ធ្លាក់ ចុះ ត្រូវបានគេមើលឃើញ ថា បានកើត ឡើង ចំ ពេល ដែល ការ ជាប់ គាំង សេដ្ឋកិច្ច របស់ ប្រទេស អាល្លឺម៉ង់ ជា បន្ត បន្ទាប់ និង វិបត្តិ ថាមពល ទូទាំង សហភាព អឺរ៉ុប។
លុយអឺរ៉ូបានធ្លាក់ចុះ ០,៤ភាគរយ ធៀបនឹងប្រាក់ដុល្លារ កាលពីព្រឹកថ្ងៃព្រហស្បតិ៍សប្តាហ៍មុន ដោយធ្លាក់ទៅដល់១,០៣២ដុល្លារ ហើយរូបិយប័ណ្ណអ៊ឺរ៉ុបមិនបាន ជួញដូរក្នុងកម្រិតទាបនេះធៀបនឹង ប្រាក់ដុល្លារចាប់តាំងពីខែវិច្ឆិកា ឆ្នាំ២០២២មកម្ល៉េះ នៅពេលដែលសហភាពអឺរ៉ុបភាគច្រើន កំពុងត្រៀមលក្ខណៈសម្រាប់ ការខ្វះខាតឧស្ម័នក្នុងរដូវរងារ បន្ទាប់ពីប្លុកនេះបានរារាំងឥន្ធនៈហ្វូស៊ីលរបស់រុស្ស៊ី។
គួរឲ្យដឹងដែរថាសេដ្ឋកិច្ចអាល្លឺម៉ង់ នៅតែងើបឡើងវិញពីផលប៉ះពាល់ នៃការដាក់ទណ្ឌកម្មនេះដោយ វាបានធ្លាក់ចុះនៅឆ្នាំ ២០២៣ និង២០២៤ ខណៈពេលដែលធនាគារកណ្តាល របស់ប្រទេសបានព្យាករណ៍ ពីកំណើនតិចតួចត្រឹមតែ ០,២ភាគរយប៉ុណ្ណោះ នៅក្នុងឆ្នាំ២០២៥នេះ៕
