ឯកឧត្តម អ៊ុច សុខុន ដឹកនាំកិច្ចប្រជុំប្រចាំខែស្តីពីការពង្រឹងថែរក្សា សន្តិសុខ សណ្តាប់ធ្នាប់ របៀបរៀបរយ នៅក្នុងទីស្តីការក្រសួងមហាផ្ទៃ
ភ្នំពេញ៖ នៅព្រឹកថ្ងៃពុធទី៨ ខែមករា ឆ្នាំ២០២៥ ឯកឧត្តម អ៊ុច សុខុន អនុរដ្ឋលេខាធិការក្រសួងមហាផ្ទៃ និងជាប្រធានអង្គប្រជុំគណៈកម្មាធិការការពារ សន្តិសុខ សណ្តាប់ធ្នាប់ ក្នុងទីស្តីការក្រសួងមហាផ្ទៃ បានអញ្ជើញដឹកនាំកិច្ចប្រជុំប្រចាំខែ ស្តីពីការពង្រឹងថែរក្សា សន្តិសុខ សណ្តាប់ធ្នាប់ របៀបរៀបរយ នៅក្នុងទីស្តីការក្រសួងមហាផ្ទៃ។
ក្នុងកិច្ចប្រជុំនេះមានការអញ្ជើញចូលរួមពីថ្នាក់ដឹកនាំ កងកម្លាំង និង សន្តិសុខសណ្តាប់ធ្នាប់ និងមន្ត្រីពាក់ព័ន្ធជាច្រើនរូប នៅសាលប្រជុំរតនគីរី នាទីស្តីការក្រសួងមហាផ្ទៃ។
ឯកឧត្តម អនុរដ្ឋលេខាធិការក្រសួងមហាផ្ទៃ បានលើកឡើងថាកិច្ចប្រជុំនេះគឺធ្វើឡើងដើម្បីពិភាក្សាគ្នា រកចំនុចចន្លោះប្រហោង ចំណុចប្រឈម តាមអង្គភាពនីមួយៗ និងយកចំណុចដែលខ្វះខាត ដើម្បីយកមកដោះស្រាយ និងធ្វើឱ្យមានសុវត្ថិភាពនៅក្នុងទីស្តីការក្រសួងមហាផ្ទៃ ។
ជាចុងបញ្ចប់ឯកឧត្តមបានស្នើសុំ និងណែនាំដល់មន្ត្រីគ្រប់អង្គភាពដែលពាក់ព័ន្ធទាំងអស់ ត្រូវបន្តព្យាយាមពង្រឹងនិងអនុវត្តន៍ការងារឡើងវិញដោយយកចិត្តទុកដាក់លើលើការពិនិត្យលើច្រកចេញចូល-ចូលក្នុងទីស្តីការក្រសួង។ ឯកឧត្តមបានបន្ថែមទៀតថាចំពោះការហ្វឹកហាត់ ត្រូវពង្រឹងអោយបានរឹងមាំ និងគោរពពេលវេលាអោយបានច្បាស់លាស់៕
