នគរបាលបង្រ្កាបបទល្មើសនេសាទ ក្នុងភូមិសាស្រ្តស្រុកឯកភ្នំ ខេត្តបាត់ដំបង
ភ្នំពេញ៖ នៅថ្ងៃទី០៨ ខែមករា ឆ្នាំ២០២៥ ស្របតាមយោបល់ដឹកនាំរបស់លោក ឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង
លោកវរសេនីយ៍ទោ ប្រាក់ ធី នាយរងការិយាល័យនគរបាលប្រឆាំងបទល្មើសសេដ្ឋកិច្ច បានដឹកនាំកម្លាំង សហការជាមួយកម្លាំងនគរបាលការិយាល័យចរាចរណ៍ផ្លូវទឹក រដ្ឋបាលឃុំព្រៃចាស់ កម្លាំងយោធ ភូមិភាគទី៥ មន្ទីរបរិស្ថាន ដោយមានលោកព្រះរាជ អាជ្ញារងអមសាលាដំបូងខេត្តបាត់ដំបង ប្រើ ប្រាស់ កាណូតស្មាច់ ១៦គ្រឿង( ធំ០៥គ្រឿង) ចុះធ្វើការពិនិត្យ និងបង្ក្រាបបទល្មើសនេសាទខុសច្បាប់ចំ នួន០១លើក នៅក្នុងភូមិសាស្ត្រឃុំព្រៃចាស់ ស្រុកឯកភ្នំ ខេត្តបាត់ដំបង។
ទទួលបានលទ្ធផលដូខាងក្រោម៖
១-បានធ្វើការអប់រំប្រជាពលរដ្ឋ នៅតាមបណ្តោយដងស្ទឹងដែលមានដាក់ បរ ណរ៉ាវ និងស្បៃម៉ុងបិទអូរ ព្រែក អោយធ្វើការរុះរើ ហើយប្រជាពលរដ្ឋបានយល់ព្រមរុះរើដោយស្ម័គ្រចិត្ត។
២-បានបង្ក្រាប និងកាប់បំផ្លាញចោល តាមបណ្តោយដងស្ទឹង៖
-សាច់ម៉ងប្រវែង ១៦៥០ម៉ែត្រ
-ឡុកចំនួន ០៥គ្រឿង
-បង្គោលចំនួន ៧០០ដើម
-លូស្បៃម៉ុងចំនួន ០៨
-លែងត្រីចូលបឹងធម្មជាតិវិញចំនួន ១៥០គីឡូក្រាម។
សរុបរួម៖ សាច់ម៉ងប្រវែង១៦៥០ម៉ែត្រ ឡុកចំនួន ០៥គ្រឿង បង្គោលចំនួន៧០០ដើម លូស្បៃម៉ុងចំនួន ០៨ និងលែងត្រី ១៥០គីឡូក្រាម។ចំពោះវត្ថុតាងខាងលើត្រូវបានក្រុមការងារសម្រេចកាប់បំផ្លាញ (ដុតចោលនៅនឹងកន្លែង)៕
