តម្លៃមាសមានស្ថិរភាព ខណៈដែលឈ្មួញរង់ចាំការចេញផ្សាយតួលេខការងារ នៅសហរដ្ឋអាមេរិក
សិង្ហបុរី៖ បើយោងតាមទីភ្នាក់ងារព័ត៌មាន Bloomberg News តម្លៃមាសមានស្ថិរភាព បន្ទាប់ពីបានកើនឡើងរយៈពេលបីថ្ងៃ ខណៈដែលឈ្មួញបានរង់ចាំការចេញផ្សាយតួលេខការងារ នៅសហរដ្ឋអាមេរិកដែលនឹងជួយបង្កើតចក្ខុវិស័យ សម្រាប់គោលនយោបាយរបស់ធនាគារកណ្តាលអាមេរិកនៅឆ្នាំនេះ។
ទីភ្នាក់ងារព័ត៌មាន Bloomberg News បានរាយការណ៍ថា ដុំមាសសម្រាប់ការចែកចាយភ្លាមៗត្រូវបានជួញដូរក្នុងតម្លៃជិត ២ ៦៧០ដុល្លារក្នុងមួយអោន (៨,៣ជី) កើនឡើងជាង ១% នៅក្នុងសប្តាហ៍ជួញដូរដំបូងក្នុងឆ្នាំថ្មីនេះ។
ទិន្នន័យការងារនៅសហរដ្ឋអាមេរិកសម្រាប់ខែធ្នូ ត្រូវបានរំពឹងថានឹងបង្ហាញពីកំណើនការងារ ដែលមានសុខភាពល្អកម្រិតមធ្យម ដែលសេដ្ឋវិទូរំពឹងថានឹងបន្តកើតមាននៅឆ្នាំ២០២៥។
មន្ត្រីធនាគារកណ្តាលអាមេរិកបានបង្ហាញសញ្ញាថា ពួកគេទំនងជានឹងរក្សាអត្រាការប្រាក់នៅកម្រិតបច្ចុប្បន្ន ជាបន្តមួយរយៈទៀត ដោយនឹងទម្លាក់នៅពេលដែលអតិផរណាធ្លាក់ចុះ។ អត្រាការងារទាបមាននិន្នាការផ្តល់អត្ថប្រយោជន៍ដល់តម្លៃមាស។
តម្លៃមាសសម្រាប់ការជួញដូរភ្លាមៗ មានការប្រែប្រួលតិចតួចដោយជួញដូរក្នុងតម្លៃ ២ ៦៦៩,៩៨ដុល្លារក្នុងមួយអោននៅម៉ោង ៨កន្លះព្រឹកនៅប្រទេសសិង្ហបុរី ខណៈដែលប្រាក់ត្រូវបានជួញដូរលើសពី ៣០ដុល្លារក្នុងមួយអោន។ នេះបើយោងតាមទីភ្នាក់ងារព័ត៌មាន Bloomberg៕
