ជប៉ុនជូនដំណឹងស្តីពីរលកយក្សស៊ូណាមិ បន្ទាប់ពីការរញ្ជួយដីកម្រិត៦,៦រ៉ិចទ័រ វាយប្រហារភាគនិរតីនៃប្រទេស

តូក្យូ៖ ជប៉ុនបានចេញសេចក្តីជូនដំណឹង ស្តីពីរលកយក្សស៊ូណាមិ កាលពីថ្ងៃចន្ទទី១៣មករា បន្ទាប់ពីការរញ្ជួយដីកម្រិត៦,៦រ៉ិចទ័រ បានវាយប្រហារភាគនិរតីនៃប្រទេស។ ការ ព្រមាន ជា សាធារណៈ ឱ្យ នៅ ឆ្ងាយ ពី តំបន់ ឆ្នេរ ក្រោយមក ត្រូវ បាន លុបចេញវិញ។

ដំបូង ឡើយ ទីភ្នាក់ងារឧតុនិយមជប៉ុន  បាន ផ្តល់ ការ ប៉ាន់ ប្រមាណ ថា ការរញ្ជួយដីមានកម្រិត៦,៩រ៉ិចទ័រ  ប៉ុន្តែ ក្រោយ មក បាន កែប្រែ វា ចុះនៅក្រោមនេះបន្តិច។

មន្ត្រីម្នាក់បានប្រាប់អ្នកយកព័ត៌មានថា វាបានធ្លាក់ចុះមកនៅត្រឹម៦,៧រ៉ិចទ័រ និងក្រោយមក បានកែប្រែទៅ៦,៦រ៉ិចទ័រវិញ។ បន្ទាប់ពីការស៊ើបអង្កេតទីភ្នាក់ងារឧតុនិយមជប៉ុន បានបញ្ជាក់ថា ការរញ្ជួយដីមិនទាក់ទងនឹងសកម្មភាពរញ្ជួយដីនៅរណ្តៅណាន់កៃ (Nankai) នោះទេ។ រណ្តៅណាន់កៃ ស្ថិតក្នុងបាតសមុទ្ទប៉ាស៊ីហ្វិក លាតសន្ធឹង ជាង ៨០០គីឡូម៉ែត្រភាគខាងលិចនៃរាជធានី តូក្យូ។ រណ្តៅនេះ បង្កើតការរញ្ជួយដីដ៏ធំរៀងរាល់១០០ទៅ១៥០ឆ្នាំម្ដង។ តំបន់នេះ ត្រូវបានវាយប្រហារដោយការរញ្ជួយដីកម្រិត៧,១រ៉ិចទ័រ កាលពីខែសីហាឆ្នាំមុន។ ការរញ្ជួយដីខ្លាំងនៅក្បែរនោះ ត្រូវបានគេមើលឃើញថា ជាសញ្ញាដ៏មានសក្តានុពលនៃការរញ្ជួយដីអាចទំនងជាមានច្រើនជាងនេះ។

បន្ទាប់ពីការរញ្ជួយដី កាលពីថ្ងៃចន្ទ ការព្រមានអំពីរលកយក្សស៊ូណាមិសម្រាប់រលកកម្ពស់អតិបរមាមួយម៉ែត្រ ត្រូវបានចេញសម្រាប់ទីក្រុងមីយ៉ាហ្សាគី និងកូជី។ ក្រោយមក ការណែនាំអំពីរលកយក្សស៊ូណាមិទាំងអស់ត្រូវបានដកចេញ។

ទីភ្នាក់ងារសារព័ត៌មានក្នុងស្រុក NHK បានរាយការណ៍ថា មិនមានអ្វីខុសប្រក្រតីដែលត្រូវបានរាយការណ៍នៅរោងចក្រថាមពលនុយក្លេអ៊ែរអ៊ីកាតា នៅភាគខាងលិចប្រទេសជប៉ុន ឬរោងចក្រថាមពលនុយក្លេអ៊ែរសេនដៃ ក្នុងខេត្តកាហ្គោស៊ីម៉ានោះទេ។ រោងចក្រទាំងពីរដែលនៅជិតបំផុតទៅនឹងកន្លែងនៃការរញ្ជួយដីបានកើតឡើង។

គួរជម្រាបជូនថា ជប៉ុនតែងទទួលរងការរញ្ជួយដីជាញឹកញាប់ ដោយសារតែទីតាំងរបស់ប្រទេសនេះជា ផ្នែក មួយ របស់ ខ្សែក្រវាត់ភ្នំភ្លើង និងរញ្ជួយដីប៉ាស៊ីហ្វិក។ ការរញ្ជួយដីពី១០ ទៅ២០ភាគរយនៃការរញ្ជួយដីពិភពលោក កើតឡើងនៅម្ដុំប្រទេសជប៉ុន៕