ឃាត់ខ្លួនជនសង្ស័យ ៤នាក់ ពាក់ព័ន្ធករណីរក្សាទុក ជួញដូរ និងប្រើប្រាស់សារធាតុញៀនខុសច្បាប់
ភ្នំពេញ៖ កាលពីថ្ងៃទី១២ ខែមករា ឆ្នាំ២០២៥ នៅវេលាម៉ោង១៦ និង៣០នាទីល្ងាច កម្លាំងជំនាញនៃអធិការដ្ឋានក្រុងពោធិ៍សាត់ បានចុះបង្រ្កាបករណីរក្សាទុក ជួញដូរ និងប្រើប្រាស់សារធាតុញៀនខុសច្បាប់ នៅចំណុចផ្ទះរបស់ឈ្មោះ ម៉ែន ស៉ីម៉ាក់ ស្ថិតនៅភូមិបាក់រទេះ សង្កាត់ព្រៃញី ក្រុងពោធិ៍សាត់
ជនសង្ស័យ៤នាក់ (ស្រី២នាក់)៖ ១-ឈ្មោះ ម៉ែន ស៉ីម៉ាក់ ភេទប្រុស អាយុ ២២ឆ្នាំ រស់នៅភូមិបាក់រទេះ សង្កាត់ព្រៃញី ក្រុងពោធិ៍សាត់ឮ, ២-ឈ្មោះ ថន ប៊ុនថេន ភេទប្រុស អាយុ ២២ឆ្នាំ រស់នៅស្ពានថ្ម សង្កាត់ព្រៃញី ក្រុងពោធិ៍សាត់, ៣-ឈ្មោះ ផាត ស្រីនិច ភេទស្រី អាយុ ១៧ឆ្នាំ រស់នៅភូមិអូរថ្កូវ សង្កាត់រលាប ក្រុងពោធិ៍សាត់, ៤-ឈ្មោះ ចាយ លីននី ភេទស្រី អាយុ ២៣ឆ្នាំ រស់នៅភូមិពោធិ៍អណ្ដោត សង្កាត់រលាប ក្រុងពោធិ៍សាត់ ។
វត្ថុតាងដកហូតរួមមាន៖ ១-គ្រឿងញៀនIce ០៨កញ្ចប់ ទម្ងន់ ៣.៤៦ក្រាម , ២-ទូរស័ព្ទ ០៤គ្រឿង , ៣-ដែកកេះកែឆ្នៃសម្រាប់ជក់ថ្នាំញៀន ០៣ដេីម , ៤-ម៉ូតូចំនួន ០១គ្រឿង , ៥-ថង់សម្រាប់ច្រកគ្រឿងញៀនមួយចំនួន , ៦-អំពូលសម្រាប់ជក់ថ្នាំញៀន ០១អំពូល , ៧-ទុយយោសម្រាប់ជក់ថ្នាំញៀន ០៣, ៨-ប្រអប់ពណ៌បៃតងសម្រាប់ដាក់ថ្នាំញៀន០២ប្រអប់ , ៩-ឧបករណ៍ជក់ថ្នាំញៀនចំនួនមួយកំផ្លេ ។
បច្ចុប្បន្នជនសង្ស័យ រួមទាំងវត្ថុតាងត្រូវបានឃាត់ខ្លួន និងរក្សាទុកនៅអធិការដ្ឋានក្រុងពោធិ៍សាត់ ដើម្បីអនុវត្តន៍បន្តតាមនីតិវិធី ៕
