ព្រឹត្តិការណ៍សម្ពោធចូលកាន់តំណែងរបស់លោក Trump មានរយៈពេល ៤ថ្ងៃ រួមទាំងការបាញ់កាំជ្រួច ពិធីស្បថចូលកាន់តំណែង ពិធីជប់លៀងភោជនីយហា និងក្បួនដង្ហែ

បរទេស៖ ព្រឹត្តិការណ៍សម្ពោធចូលកាន់តំណែងរបស់លោក Trump គឺមានរយៈពេល ៤ ថ្ងៃ រួមទាំងការបាញ់កាំជ្រួច ពិធីស្បថចូលកាន់តំណែង ពិធីជប់លៀងភោជនីយហា និងក្បួនដង្ហែ។

យោងតាមសារព័ត៌មាន VN EXPRESS ចេញផ្សាយនៅថ្ងៃទី១៤ ខែមករា ឆ្នាំ២០២៥ បានឱ្យដឹងថា ការប្រារព្ធពិធីចូលកាន់តំណែង របស់ប្រធានាធិបតីជាប់ឆ្នោត Donald Trump នឹងចាប់ផ្តើមនៅចុងសប្តាហ៍នេះ ជាមួយនឹងពិធីស្បថចូលកាន់តំណែងជាប្រពៃណី ប៉ុន្តែមានការប្រគុំភ្លេងនៅក្រៅផ្ទះ នេះបើយោងតាមកាលវិភាគដែលចេញផ្សាយ ដោយគណៈកម្មាធិការរៀបចំនៅថ្ងៃទី១៣ ខែមករា។

លោក Steve Witkoff និង Kelly Loeffler ដែលជាសហប្រធាននៃ ពិធីសម្ពោធតំណែងបាននិយាយថា “ប្រធានាធិបតីជាប់ឆ្នោត Trump ប្តេជ្ញាបង្រួបបង្រួមប្រទេសតាមរយៈវេទិកា ‘Make America Great Again’ (MAGA) របស់លោក ដែលនឹងនាំមកនូវភាពរឹងមាំ សុវត្ថិភាព និងឱកាសដល់អាមេរិក” ។ “ពិធីសម្ពោធឆ្នាំ 2025 នឹងបង្ហាញពីការវិលត្រឡប់ជាប្រវត្តិសាស្ត្ររបស់លោក Trump ទៅកាន់សេតវិមាន និងជម្រើសដ៏គួរឱ្យទាក់ទាញរបស់ប្រជាជនអាមេរិក ដើម្បីធ្វើឱ្យអាមេរិកអស្ចារ្យម្តងទៀត” ។

នៅថ្ងៃទី១៨ ខែមករា លោក Trump គ្រោងនឹងចូលរួមពិធីទទួលស្វាគមន៍ និងបាញ់កាំជ្រួចនៅក្លឹបកីឡាវាយកូនហ្គោលជាតិ Trump ក្នុងទីក្រុង Sterling រដ្ឋ Virginia ។ លោក JD Vance អនុប្រធានាធិបតីដែលជាប់ឆ្នោតនឹងរៀបចំពិធី ជប់លៀងឯកជនមួយសម្រាប់សមាជិកគណៈរដ្ឋមន្ត្រីថ្មី៕