នាយកប្រតិបត្តិ TikTok គ្រោងនឹងចូលរួមពីធីឡើងកាន់តំណែងប្រធានាធិបតីជាប់ឆ្នោតអាមេរិកលោក ដូណាល់ ត្រាំ
បរទេស៖ កាសែត The New York Times បានរាយការណ៍នៅថ្ងៃពុធនេះថា នាយកប្រតិបត្តិ (CEO) កម្មវិធីចិន TikTok លោក Shou Zi Chew គ្រោងនឹងចូលរួមពីធីឡើងកាន់តំណែងប្រធានាធិបតីជាប់ឆ្នោតរបស់សហរដ្ឋអាមេរិកលោក ដូណាល់ ត្រាំ (Donald Trump) នៅថ្ងៃចន្ទសប្តាហ៍ក្រោយ។ ព្រឹត្តិកាណ៍នេះ នឹងប្រារព្ធក្រោយមួយថ្ងៃ បន្ទាប់ពីថ្ងៃប្រកាសជោគវាសនារបស់ TikTok នៅសហរដ្ឋអាមេរិកនាថ្ងៃទី១៩ ខែមករា ឆ្នាំ២០២៥។
គួរជម្រាបថា លោក Shou Zi Chew ត្រូវបានអញ្ញើញឱ្យអង្គុយក្នុងតំណែងកៅអីជាភ្ញៀវកិត្តិយស ឬឥស្សរៈជនជាន់ខ្ពស់ ដែលធម្មតាទីតាំងនេះត្រូវបានត្រៀមសម្រាប់ អតីត ប្រធានាធិបតីសមាជិក គ្រួសារ និង ភ្ញៀវ សំខាន់ៗ ផ្សេង ទៀត ។
យ៉ាងណាមិញ ជុំវិញព័ត៌មានលម្អិតប្រភពមិនបានបង្ហាញនោះទេ។ តែយ៉ាងណា ការចូលរួមរបស់លោក Chew ត្រូវបានគេមើលឃើញថា បង្ហាញពីទំនាក់ទំនងដែលកំពុងបន្តរវាង TikTok និងរដ្ឋាភិបាលសហរដ្ឋអាមេរិក នៅពេលដែល Trump រៀបចំឡើងកាន់តំណែងម្តងទៀត៕
