អគ្គនាយកដ្ឋានរដ្ឋបាល លើកឡើងពីការងារគម្រោងមូលនិធិ និងការគាំទ្រក្រុង ស្រុក ឃុំ សង្កាត់
ភ្នំពេញ៖ តាមរយៈរបាយការណ៍សកម្មភាព និងលទ្ធផលការងារប្រចាំខែធ្នូ និងទិសដៅ អនុវត្តការងារបន្តសម្រាប់ខែមករា ឆ្នាំ២០២៥ អគ្គនាយកដ្ឋានរដ្ឋបាល បានលើកឡើងពីការងារគម្រោងមូលនិធិ និងការគាំទ្រក្រុង ស្រុក ឃុំ សង្កាត់ ដែលរួមមានដូចខាងក្រោម៖
១-គម្រោងមូលនិធិក្រុង ស្រុក
ការរៀបចំគម្រោងមូលនិធិក្រុង ស្រុកឆ្នាំ២០២៤ មានចំនួន ៥៤៥គម្រោង ក្នុងនោះរួមមាន៖គម្រោងបានបញ្ចប់ការសិក្សាចំនួន ៥៤៥គម្រោង (ស្មើនឹង៩៨,៩០%) និងបានដេញថ្លៃរួចចំនួន ៥០៩គម្រោង (ស្មើនឹង៩៣,៣៩%) នៃ គម្រោងបានបញ្ចប់ការសិក្សា។ ចំពោះការអនុវត្តកិច្ចសន្យាគម្រោងក្រុង ស្រុកឆ្នាំ២០២៤ចំនួន ៥០៥កិច្ចសន្យា ក្នុងនោះ កិច្ចសន្យាបញ្ចប់ការសាងសង់១០០% ចំនួន ៣៥៧កិច្ចសន្យា (ស្មើនឹង៧០,៦៩%) និងកិច្ចសន្យាមិនទាន់អនុវត្តចំនួន ១៤៨កិច្ចសន្យា (ស្មើនឹង២៩,៣១%)។ ចំពោះការអនុវត្តកិច្ចសន្យាគម្រោងក្រុង ស្រុកឆ្នាំ២០២៣ មានភាពយឺតយ៉ាវ ក្នុងការអនុវត្តដែលឆ្លងចូលឆ្នាំ២០២៤ ដែលក្នុងនោះគម្រោងដែលបានបញ្ចប់ការសិក្សាចំនួន៤៩១(ស្មើនឹង១០០%)។ គម្រោងក្រុង ស្រុកឆ្នាំ២០២៣ បានដេញថ្លៃរួចចំនួន ៤៩១ (ស្មើនឹង១០០%) នៃគម្រោងបានបញ្ចប់ការសិក្សា។
២-គម្រោងមូលនិធិឃុំ សង្កាត់
ការរៀបចំគម្រោងមូលនិធិឃុំ សង្កាត់ឆ្នាំ២០២៤មានចំនួន ២.១៨២គម្រោង ដែលក្នុងនោះរួមមាន៖ គម្រោង បានបញ្ចប់ការសិក្សាចំនួន ២.១៨២គម្រោង (ស្មើនឹង១០០%) និងបានដេញថ្លៃរួចចំនួន ២.១៤០គម្រោង (ស្មើនឹង ៩៨,០៨%) នៃគម្រោងបានបញ្ចប់ការសិក្សា។ ចំពោះការអនុវត្តកិច្ចសន្យាគម្រោងឃុំ សង្កាត់ឆ្នាំ២០២៤មានចំនួន ២.០៩៨កិច្ចសន្យា ក្នុងនោះកិច្ចសន្យាមិនទាន់អនុវត្តចំនួន ៨៣៣កិច្ចសន្យា (ស្មើនឹង៣៩,៧០%) បញ្ចប់ការសាងសង់ ១០០% ចំនួន ១.២៦៣កិច្ចសន្យា (ស្មើនឹង៦០,២០%) កិច្ចសន្យា ដែលអ្នកទទួលការបោះបង់ចំនួន ២កិច្ចសន្យា (ស្មើនឹង០,១០%)។ ចំពោះការអនុវត្តកិច្ចសន្យាគម្រោង ឃុំ សង្កាត់ឆ្នាំ២០២៣ មានភាពយឺតយ៉ាវក្នុងការអនុវត្ត ដែលឆ្លងចូលឆ្នាំ២០២៤ ដែលក្នុងនោះគម្រោងបានបញ្ចប់ការសិក្សាចំនួន ២.០៨៤គម្រោង (ស្មើនឹង៩៩,៩៥%)គម្រោងមិនទាន់បានសិក្សាចំនួន ១គម្រោង (ស្មើនឹង០,០៥%) និងគម្រោងបានដេញថ្លៃរួចចំនួន ២.០៨៣គម្រោង (ស្មើ នឹង៩៩,៩៥%)នៃគម្រោងបានបញ្ចប់ការសិក្សា។ចំពោះការអនុវត្តកិច្ចសន្យាគម្រោងមូលនិធិឃុំ សង្កាត់ឆ្នាំ២០២៣ ចំនួន ២.០៨៤កិច្ចសន្យា ក្នុងនោះកិច្ចសន្យាបានបញ្ចប់ការសាងសង់១០០% ចំនួន ២.០៧៩កិច្ចសន្យា (ស្មើនឹង ៩៩,៧៦%) កិច្ចសន្យាដែលមិនទាន់អនុវត្តចំនួន ៥កិច្ចសន្យា (ស្មើនឹង ០,២៤%)។
៣-ការគាំទ្រក្រុង ស្រុក ឃុំ សង្កាត់
-បានរៀបចំសេចក្តីព្រាងប្រកាសស្តីពីការបង្កើត និងដាក់ឱ្យប្រើប្រាស់និមិត្តសញ្ញាក្រុង ស្រុកដាក់ជូនថ្នាក់ដឹកនាំ ពិនិត្យ និងសម្រេច និងដាក់ចេញប្រកាសឱ្យប្រើប្រាស់ជាផ្លូវការចំនួន១២ខេត្ត សរុប ៩៤ក្រុង ស្រុក រួមមាន៖ ខេត្ត ព្រះសីហនុ ស្ទឹងត្រែង កំពង់ស្ពឺ កំពង់ចាម ព្រះវិហារ ពោធិ៍សាត់ ត្បូងឃ្មុំ ប៉ៃលិន កំពង់ឆ្នាំង និងខេត្តកំពង់ធំ និងខេត្ត ដែលមិនទាន់បានកែសម្រួលនិមិត្តសញ្ញាក្រុង ស្រុកក្រោយកិច្ចប្រជុំមានចំនួន ៧ខេត្ត ដូចជា៖ ខេត្តកំពត តាកែវ បាត់ដំបង ឧត្តរមានជ័យ ក្រចេះ បន្ទាយមានជ័យ និងខេត្តកណ្តាល
-បានដាក់ចេញប្រកាសស្តីពីការបង្កើត និងដាក់ឱ្យប្រើនិមិត្តសញ្ញាក្រុង ស្រុកទាំង៩ នៃខេត្តបន្ទាយមានជ័យ និងប្រកាសស្តីពីការបង្កើត និងដាក់ឱ្យប្រើនិមិត្តសញ្ញាក្រុង ស្រុកទាំង១៣ នៃខេត្តកណ្តាល
-បានរៀបចំកិច្ចប្រជុំពិនិត្យសេចក្តីព្រាងរបាយការណ៍ចុះពិនិត្យ និងស្រាវជ្រាវលើករណីបណ្ដឹងពាក់ព័ន្ធនឹង នាយកទីចាត់ការផែនការវិនិយោគខេត្តត្បូងឃ្មុំ
-បានរៀបចំកិច្ចប្រជុំ ដើម្បីត្រៀមសិក្ខាសាលាពិគ្រោះយោបល់ជាមួយក្រសួង ស្ថាប័នពាក់ព័ន្ធនឹងរដ្ឋបាលថ្នាក់ – ក្រោមជាតិ លើការកែសម្រួលសៀវភៅណែនាំស្តីពីការរៀបចំ និងការអនុវត្តគម្រោងមូលនិធិឃុំ សង្កាត់តាមប្រព័ន្ធអនឡាញ ៕
