នាយករដ្ឋមន្ត្រីជប៉ុន ប្តេជ្ញាពង្រឹងទំនាក់ទំនងជាមួយចិន
តូក្យូ៖ នាយករដ្ឋមន្ត្រីជប៉ុន លោក Shigeru Ishiba បានសន្យាថានឹងបង្កើនការប្រាស្រ័យទាក់ទងជាមួយប្រទេសចិន និងជំរុញយ៉ាងទូលំទូលាយនូវទំនាក់ទំនងយុទ្ធសាស្ត្រនៃផលប្រយោជន៍ទៅវិញទៅមករវាងប្រទេសទាំងពីរ។
ក្នុងអំឡុងសម័យប្រជុំពេញអង្គនៃសមាជិកសភា លោក Ishiba បានសង្កត់ធ្ងន់លើសារៈសំខាន់នៃការពង្រឹងទំនាក់ទំនងជាមួយប្រទេសចិនលើគ្រប់វិស័យ កាត់បន្ថយបញ្ហាប្រឈម និងបង្កើនកិច្ចសហប្រតិបត្តិការ។
លោកបានបន្តថា ភាគីទាំងពីរនឹងធ្វើការរួមគ្នាដើម្បីកសាងទំនាក់ទំនងទ្វេភាគីប្រកបដោយស្ថិរភាព និងស្ថាបនា។