**ឯកឧត្តម អ៊ូច ភា ជំរុញដល់រដ្ឋបាលខេត្តបន្ទាយមានជ័យ បន្តអនុវត្តគោលនយោបាយ “ភូមិ-ឃុំ-សង្កាត់ មានសុវត្ថិភាព” ឱ្យមានប្រសិទ្ធភាព**ទំនើបកម្មកសិកម្មចិនឆ្ពោះទៅសហគមន៍ច្នៃប្រឌិតសកល**ទាហានកូឡុំប៊ី ៩នាក់ស្លាប់ និង២០នាក់ទៀតរបួស ក្នុងឧបទ្ទវហេតុរថយន្តយោធាក្រឡាប់ធ្លាក់ចូលជ្រោះ នៅភាគនិរតីនៃប្រទេស**តើត្រូវធ្វើបែបណា បើគ្រូពេទ្យផ្ដល់ការព្យាបាលមិនត្រឹមត្រូវ ពេលទៅទទួលសេវានៅមូលដ្ឋានសុខាភិបាលដៃគូ ប.ស.ស.?**អ្នកនាំពាក្យកងរាជអាវុធហត្ថលើផ្ទៃប្រទេស៖ ចោរប្លន់បាញ់តដៃសមត្ថកិច្ច នៅក្រុងកំពង់ចាមដែលថាខ្លួនជាអតីតអាវុធហត្ថ គឺមិនមានឈ្មោះក្នុងបញ្ជីកងរាជអាវុធហត្ថទេ**កិច្ចប្រឹងប្រែងរបស់រដ្ឋាភិបាលចិនក្នុងការស្តារនិងអភិវឌ្ឍជនបទនាំមកនូវកាលានុវត្តភាពសម្រាប់ការធ្វើទំនើបកម្មកសិកម្ម និងរួមចំណែកដល់សន្តិសុខស្បៀងសកល**អ្នកវិភាគឯកភាពចំពោះការលើកឡើងរបស់នាយករដ្ឋមន្ត្រី ដែលអះអាងថា មានការរីកចម្រើននៃទំនាក់ទំនងគ្រប់កម្រិត និងកិច្ចសហប្រតិបត្តិការ លើគ្រប់វិស័យ រវាងកម្ពុជា-ចិន**រដ្ឋមន្ត្រី អ៊ាង សុផល្លែត រម្លឹកមន្ត្រីក្រោមឱវាទថា កុំព្រោះលុយតិចតួចពីក្រុមហ៊ុនខិលខូច ធ្មេចភ្នែកអនុញ្ញាតឱ្យបង្ហូរទឹកមានសារធាតុពុលចូលប្រភពទឹកធម្មជាតិ**ឈ្វេងយល់ពី ជំនួយការហិរញ្ញវត្ថុរដ្ឋបាលឃុំ សង្កាត់!**ឯកឧត្តម ប៉េង ពោធិ៍សា ដឹកនាំកិច្ចប្រជុំបូកសរុបលទ្ធផលការងារប្រចាំខែកុម្ភៈ និងលើកទិសដៅការងារខែមីនា ឆ្នាំ២០២៥ របស់រដ្ឋបាលខេត្តស្វាយរៀង**បង្ក្រាបក្រុមចោរប្លន់ ៤នាក់ ដែលបាញ់តដៃសមត្ថកិច្ច នៅក្រុងកំពង់ចាម**NEA បន្តរៀបចំវេទិកាការងារដោយនាំយកឱកាសការងារថ្មីបន្ថែមទៀតចំនួនជាង ១៥០០ កន្លែង សម្រាប់យុវជន**ពលករខ្មែរទើបជាប់ការប្រឡងទៅធ្វើការនៅសាធារណរដ្ឋកូរ៉េប្តេជ្ញាមិនចូលរួមបាតុកម្មដែលញុះញង់ដោយក្រុមប្រឆាំង លើបញ្ហាព្រំដែនជាដាច់ខាត ព្រោះវាជាការរៀបចំដើម្បីធ្វើឱ្យប្រទេសជាតិធ្លាក់ចូលក្នុងជម្លោះការទូត**លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អញ្ជើញជាអធិបតីភាពដ៏ខ្ពង់ខ្ពស់ក្នុងកម្មវិធី «រាត្រីសមោសរសំពត់បត់ខ្មែរ លើកទី២»**លោក ពូទីន ថាបណ្ដាប្រទេសអឺរ៉ុប រួមទាំងប្រទេសដទៃទៀត អាចចូលរួមក្នុងកិច្ចចរចាដើម្បីដោះស្រាយ ជម្លោះនៅអ៊ុយក្រែន**ក្រុមប្រឹក្សាសន្តិសុខ UN បោះឆ្នោតអនុម័តសេចក្ដីព្រាង នៃដំណោះស្រាយមួយរបស់អាមេរិក ដែលប្រកាន់យកជំហរអព្យាក្រឹតចំពោះសង្រ្គាម អ៊ុយក្រែន**FBI ក្រសួងការបរទេស ក្រសួងសន្តិសុខមាតុភូមិ និងមន្ទីរប៉ង់តាហ្គោន ណែនាំបុគ្គលិកពួកគេ មិនឱ្យធ្វើតាមលោក Elon Musk**លោក Friedrich Merz និយាយថា ប្រទេសអាល្លឺម៉ង់ ត្រូវតែទទួលបានឯករាជ្យ ពិតប្រាកដពី សហរដ្ឋអាមេរិក**ស្លាប់ ២នាក់បាន និង៥នាក់របួស ក្នុងករណីបាក់ស្រុតរលំការដ្ឋានសាងសង់ស្ពាន នៅផ្លូវហាយវេក្នុងទីក្រុង Cheonan ប្រទេសកូរ៉េខាងត្បូង**ធនាគារកណ្តាលអឺរ៉ុប បញ្ជាក់អំពីពន្ធពាណិជ្ជកម្មថា ជាបញ្ហាប្រឈមដ៏សំខាន់មួយ របស់សេដ្ឋកិច្ចអឺរ៉ុប

គម្រោងពង្រីក និងលើកកម្រិតផ្លូវជាតិលេខ៧ (ស្គន់-កំពង់ចាម) កំពុងលេចចេញវឌ្ឍនភាពយ៉ាងឆាប់រហ័ស

ភ្នំពេញ៖ ក្រសួងសាធារណការ និងដឹកជញ្ជូន បានបញ្ជាក់តាមបណ្ដាញសង្គមហ្វេសប៊ុកថា គម្រោងពង្រីក និងលើកកម្រិតផ្លូវជាតិលេខ៧ ជាបួនគន្លង ចាប់ពីទីប្រជុំជនស្គន់ រហូតដល់ក្រុងកំពង់ចាម ខេត្តកំពង់ចាម កំពុងលេចចេញវឌ្ឍនភាពយ៉ាងឆាប់រហ័ស ដោយការដ្ឋានគ្រប់កំណាត់បានបង្កើន និងធានាវឌ្ឍនភាពតាមការគ្រោងទុក។

គិតត្រឹមដំណាច់ខែមករា ឆ្នាំ២០២៥ នេះ គម្រោងពង្រីក និងលើកកម្រិតផ្លូវជាតិលេខ៧ ជាបួនគន្លង(ស្គន់-កំពង់ចាម)ប្រវែងសរុប ៤៥,៥០គីឡូម៉ែត្រ (PK000+000 – PK45+502.84)ចាប់ផ្តើមពីស្រុកជើងព្រៃ ខេត្តកំពង់ចាម រហូតដល់ ក្រុងកំពង់ចាម ខេត្តកំពង់ចាម ការអនុវត្តគម្រោងសម្រេចបានលទ្ធផលជារួម៣២,០១% ហើយ។

គម្រោងពង្រីក និងលើកកម្រិតផ្លូវជាតិលេខ៧ ត្រូវធ្វើឡើងជាប្រភេទAC(Asphalt concrete) កម្រាស់៩សង់ទីម៉ែត្រ ទទឹងផ្លូវ ២៤,៥ម៉ែត្រ(៤គន្លង) ដោយត្រូវសាងសង់ស្ពានថ្មីតូច-ធំ ចំនួន៨(ស្មើប្រវែងសរុប ១៥៦ម៉ែត្រ) ជួសជុលស្ពានតូច-ធំ(ចាស់)ចំនួន៧ស្ពាន(ស្មើប្រវែងសរុប ១១៦ម៉ែត្រ) លូរំដោះទឹកភ្លៀង លូរំដោះទឹកកខ្វក់ និងជាបរិក្ខារចរាចរណ៍នានា។

ផ្លូវជាតិលេខ៧ គឺជាខ្សែផ្លូវយ៉ាងសំខាន់ និងជាសរសៃឈាមសេដ្ឋកិច្ចដ៏មានសក្ដានុពល ដើម្បីជួយសម្រួលការធ្វើដំណើរការដឹកជញ្ជូនផលិតផលកសិកម្ម កសិឧស្សាហកម្ម ព្រមទាំងលើកកម្ពស់ការអភិវឌ្ឍ និងសកម្មភាពសេដ្ឋកិច្ច-សង្គមជាតិ។ ផ្លូវនេះជាខ្សែផ្លូវតភ្ជាប់ជាមួយផ្លូវជាតិលេខ៦ ពីរង្វង់មូលស្គន់ ឆ្ពោះទៅទិសដៅរាជធានីភ្នំពេញ និងជាទិសដៅទៅខេត្តកំពង់ធំ សៀមរាប…។ល។ និងតភ្ជាប់ទៅតាមបណ្ដាញផ្លូវសំខាន់ៗផ្សេងៗទៀត។

កំណាត់ផ្លូវជាតិនេះ ក៏តភ្ជាប់ជាមួយផ្លូវជាតិលេខ៨ និងផ្លូវជាតិលេខ១១ ឆ្ពោះទៅកាន់ខេត្តព្រៃវែង និងតភ្ជាប់ជាមួយផ្លូវ ៧១C ផ្លូវជាតិលេខ៧៣ ឆ្ពោះទៅកាន់ខេត្តត្បូងឃ្មុំ និងផ្លូវជាតិលេខ៧៦ ផ្លូវជាតិលេខ៧៨ ឆ្ពោះទៅកាន់ខេត្តស្ថិតនៅភូមិភាគឦសាន ដូចជា៖ ខេត្តក្រចេះ ស្ទឹងត្រែង មណ្ឌលគិរី និងខេត្តរតនគិរី។ ខ្សែផ្លូវនេះក៏ភ្ជាប់ជាមួយបណ្តាញខ្សែផ្លូវរបស់បណ្តាប្រទេស នៃមហាអនុតំបន់មេគង្គ(GMS)ផងដែរ។ គម្រោងពង្រីក និងលើកកម្រិតផ្លូវជាតិលេខ៧ បានចាប់ផ្តើមសាងសង់នៅថ្ងៃទី១១ ខែមីនា ឆ្នាំ២០២៤ (រយៈពេលសាងសង់៤០ខែ) ដែលតាមផែនការគម្រោងនឹងសាងសង់បញ្ចប់១០០% នៅអំឡុងខែកក្កដា ឆ្នាំ២០២៧ ខាងមុខនេះ។

ខណៈដែលការដ្ឋានកំពុងមមាញឹកខ្លាំង ក្រសួងសាធារណការ សូមអំពាវនាវដល់អ្នកប្រើប្រាស់កំណាត់ផ្លូវជាតិលេខ៧(ស្គន់-កំពង់ចាម)មេត្តាប្រុងប្រយ័ត្នខ្ពស់ ដោយត្រូវបើកបរក្នុងល្បឿនមួយអាចគ្រប់គ្រងបាន ដើម្បីធានាសុវត្ថិភាពខ្លួនឯង និងអ្នកដទៃ និងបើកបរក្នុងល្បឿនសមល្មម ដែលជាផ្នែកមួយជួយកាត់បន្ថយការហុយធូលីលើបងប្អូនប្រជាពលរដ្ឋនៅតាមដងផ្លូវ៕   

អត្ថបទដែលជាប់ទាក់ទង