**មន្ត្រីឧទ្យានុរក្សប្រចាំស្នាក់ការដំណាក់ហ្លួង ដែនជម្រកសត្វព្រៃ ព្រៃឡង់-បឹងពែរ ជួបសត្វខ្ទីង ២ក្បាល មេនិងកូន នៅជិតភ្នំក្រៀល**ក្បាលដីចំនួន៣,៥៩៤ ត្រូវបានបិទផ្សាយជាសាធារណៈនូវឯកសារនៃការវិនិច្ឆ័យជូនប្រជាពលរដ្ឋមកពិនិត្យផ្ទៀងផ្ទាត់ ចំនួន៣ភូមិ ក្នុងឃុំតាលន់ និងឃុំត្រើយស្លា ស្រុកស្អាង**ពលរដ្ឋនៅស្រុកស្វាយលើ ប្រគល់ចម្លាក់កញ្ចាំងធ្វើពីថ្មភក់ចំនួន១ ជូនអាជ្ញាធរជាតិអប្សរា**ក្រសួងទេសចរណ៍ កំពុងដំណើរការសន្និបាតបូកសរុបលទ្ធផលការងារវិស័យទេសចរណ៍ឆ្នាំ២០២៤ និងលើកទិសដៅការងារឆ្នាំ២០២៥ ជាលក្ខណៈមហាគ្រួសារវិស័យទេសចរណ៍បើកទូលាយ**សម្តេចបវរធិបតី ហ៊ុន ម៉ាណែត នឹងអញ្ជើញបិទសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់ក្រសួងទេសចរណ៍**ក្រសួងបរិស្ថាន, ស្ថានទូតជប៉ុន និង UNDP ចុះហត្ថលេខាលើឯកសារគម្រោង ការពង្រឹងសមត្ថភាពដោះស្រាយសំណល់ប្លាស្ទិកនៅទីប្រជុំជន**តៃវ៉ាន់ ថ្កោលទោសចិនចំពោះអាកប្បកិរិយាបង្កហេតុ បន្ទាប់រាយការណ៍ថា យោធារបស់ប៉េកាំងនឹងធ្វើសមយុទ្ធបាញ់ប្រហារនៅឆ្នេរសមុទ្រភាគនិរតីរបស់កោះនេះ**កុមារម្នាក់នៅរដ្ឋតិចសាស់ ស្លាប់ដោយសារជំងឺកញ្ជ្រឹល ដែលជាការស្លាប់លើកដំបូង**NESDC បង្ហាញថា កំលុងឆ្នាំ២០២៤ ប្រជាជនថៃ ១២,៣លាននាក់ បានជួបប្រទះបញ្ហាសុខភាព បណ្តាលមកពីការបំពុលបរិយាកាស**មន្ដ្រីជាន់ខ្ពស់ក្រសួងមហាផ្ទៃ ណែនាំអាជ្ញាធរខេត្តបន្ទាយមានជ័យ បន្ដផ្សព្វផ្សាយច្បាប់ចរាចរណ៍ផ្លូវគោក ដល់មូលដ្ឋានប្រជាពលរដ្ឋ និងតាមបណ្ដាសាលារៀន**ឯកឧត្តម សួស ប្រាថ្នា អរគុណចំពោះថ្នាក់ដឹកនាំ និងមន្រ្តីរបស់អគ្គនាយកដ្ឋានរដ្ឋបាលក្រសួងមហាផ្ទៃ ដែលបំពេញការងារយ៉ាងសកម្ម ធ្វើឱ្យសម្រេចបាននូវសមិទ្ធផលការងារជាច្រើនជូនពលរដ្ឋនិងប្រទេសជាតិ**សម្ដេចតេជោ៖ អ្នកជំងឺកូវីដវាយកូនគោល មានអ្នកបន់ឱ្យខ្ញុំឆាប់ជាមានចំនួនច្រើនលើសលប់ និងអ្នកបន់ឱ្យខ្ញុំឆាប់ស្លាប់មានចំនួនតិចតួចដែលសុទ្ធសឹងតែពួកជ្រុលនិយម**ប្រធានាធិបតីម៉ិកស៊ិក រំពឹងថានឹងមានកិច្ចព្រមព្រៀងមួយក្នុងសប្តាហ៍នេះ ដើម្បីរារាំងសហរដ្ឋអាមេរិកពីការដាក់ពន្ធ ២៥ ភាគរយលើការនាំចេញរបស់ម៉ិកស៊ិក**បុគ្គលិកជាង ២០នាក់ លាលែងពីតំណែងពីទីប្រឹក្សាមហាសេដ្ឋីនៃក្រសួង ប្រសិទ្ធភាពរដ្ឋាភិបាលរបស់លោក Elon Musk**លោក ដូណាល់ ត្រាំ អះអាងថា រដ្ឋាភិបាលក្រុងវ៉ាស៊ីនតោន បច្ចុប្បន្នមិនផ្តល់ជំនួយយោធាថ្មីណាមួយ ដល់ក្រុងគៀវឡើយ**អ៊ុយក្រែនបានអនុម័តវិធានការចាំបាច់ សម្រាប់ការចុះហត្ថលេខាលើកិច្ចព្រមព្រៀង ភាពជាដៃគូផ្នែករ៉ែកម្រងជាមួយសហរដ្ឋអាមេរិក**នាយករដ្ឋមន្រ្តីថៃ ត្រៀមមកបំពេញទស្សនកិច្ចផ្លូវការនៅកម្ពុជា ក្នុងពេលឆាប់ៗខាងមុខនេះ**ប្រទះឃើញកូនផ្សោតទី៤សម្រាប់ឆ្នាំ២០២៥ នៅចន្លោះអន្លង់កាំពី-ជ្រោយបន្ទាយ ស្រុកចិត្របុរី**តៃវ៉ាន់ ប្រទះឃើញយន្ដហោះយោធាចិន៤៥គ្រឿង នៅក្បែរដែនកោះរបស់ខ្លួន**ធនាគារកណ្តាលថៃទម្លាក់អត្រាការប្រាក់គោលនយោបាយរបស់ខ្លួន ០,២៥ភាគរយ

ឧបនាយករដ្ឋមន្ត្រី ហង់ជួន ណារ៉ុន៖ បេសកកម្មកាយរឹទិ្ធជាតិកម្ពុជា ពិតជាបានឆ្លើយតបយ៉ាងវិជ្ជមាន និងមានប្រសិទ្ធភាពបំផុតទៅនឹងអនុសាសន៍របស់សម្តេចធិបតី ហ៊ុន ម៉ាណែត

ភ្នំពេញ៖ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងជាប្រធានកាយរឹទ្ធិជាតិកម្ពុជា នាថ្ងៃទី៣០ ខែមករា ឆ្នាំ២០២៥ បានអញ្ជើញជាអធិបតីភាពក្នុងពិធីសច្ចាប្រណិធាន និងបំពាក់កន្សែងជូននវមេដឹកនាំកាយរឹទ្ធិ នៃកងឯកភាពសាកលវិទ្យាល័យជាតិបាត់ដំបង ចំនួន ១៥៥នាក់ ស្រី ៤៦នាក់ និងមានការចូលរួមពីសំណាក់ឯកឧត្តម លោកជំទាវ ថ្នាក់ដឹកនាំក្រសួងអប់រំ យុវជន និងកីឡា ឯកឧត្តមអភិបាលខេត្តបាត់ដំបង ឯកឧត្តម សាកលវិទ្យាធិការ នៃសាកលវិទ្យាល័យជាតិបាត់ដំបង ប្រធានមន្ទីរអប់រំ យុវជន និងកីឡាខេត្តបាត់ដំបង មន្ត្រីមកពីនាយកដ្ឋានសហប្រតិបតិ្តការកាយរឹទិ្ធ និងអង្គភាពពាក់ព័ន្ធ។

តាមរយៈរបាយការណ៍របស់ឯកឧត្តម សាកលវិទ្យាធិការ និងជាមេកងឯកភាព នៃសាកលវិទ្យាល័យជាតិបាត់ដំបង បានបង្ហាញថា នេះជាលើកទី១ ដែលគ្រឹះស្ថានឧត្តមសិក្សាសាធារណៈ បានរៀបចំកម្មវិធីបណ្តុះបណ្តាលជំនាញកាយរឹទិ្ធ និងបំពាក់កន្សែងកាយរឹទិ្ធដល់ថ្នាក់ដឹកនាំ និងបុគ្គលិកអប់រំ គ្រប់លំដាប់ថ្នាក់ ស្របតាមរចនាសម្ព័ន្ធគ្រប់គ្រងរបស់សាកលវិទ្យាល័យទាំងមូល ដោយបានគូសបញ្ជាក់ពីការប្ដេជ្ញាចិត្តរបស់សាកលវិទ្យាល័យក្នុងការបន្តរៀបចំវគ្គបណ្តុះបណ្តាល និងពិធីសច្ចាប្រណិធាន បំពាក់កន្សែងដល់និស្សិតទាំងអស់នាពេលបន្តបន្ទាប់ទៀត ។

ក្នុងឱកាសនេះដែរ ឯកឧត្តមបណ្ឌិតសភាចារ្យ ឧបនាយករដ្ឋមន្រ្តី បានមានប្រសាសន៍ថា បេសកកម្មកាយរឹទិ្ធជាតិកម្ពុជា ពិតជាបានឆ្លើយតបយ៉ាងវិជ្ជមាន និងមានប្រសិទ្ធភាពបំផុតទៅនឹងអនុសាសន៍របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ស្តីពីការ លើកកម្ពស់គុណភាពអប់រំ ដោយផ្តោតលើការពង្រឹងគុណភាពសាលារៀនរដ្ឋ កែប្រែជាសាលារៀនគំរូ ចាប់ពីថ្នាក់មត្តេយ្យសិក្សាដល់មធ្យមសិក្សា ដោយការបញ្ចូលសកម្មភាពកាយរឹទិ្ធ ចូលរួមការពង្រឹងសកម្មភាពក្រៅម៉ោងសិក្សា ការពង្រឹងវិន័យ សីលធម៌ ចរិយាធម៌ សុជីវធម៌ គុណធម៌ និងឥរិយាបថល្អរបស់សិស្សស្របតាមស្តង់ដាសាលារៀនគំរូ។
ការរៀបចំ “ក្លឹបកាយរឹទិ្ធ” នៅតាមសាលារៀន បានបណ្តុះបណ្តាល និងអភិវឌ្ឍបុគ្គលិកលក្ខណៈពេញលេញ និងបំណិនសតវត្សរ៍ទី២១ដល់យុវជននិងកុមារ ដើម្បីប្រែក្លាយពួកគេទៅជាពលរដ្ឋល្អ ព្រមទាំងជួយគាំទ្រដល់ក្រុមប្រឹក្សាកុមារកម្ពុជា ក្រុមប្រឹក្សាយុវជនកម្ពុជា និងការពង្រឹងការគ្រប់គ្រងនៅតាមគ្រឹះស្ថានសិក្សា ព្រមទាំងការជំរុញចលនាប្រឡងប្រណាំងបីល្អ “កូនល្អ សិស្សល្អ មិត្តល្អ” ដូចជាការបង្កើតក្លឹបសកម្មភាពយុវជន និងក្លឹបសិក្សាសម្រាប់ជួយបំប៉នបន្ថែមដល់សិស្សត្រៀមប្រឡងមធ្យមសិក្សាទុតិយភូមិ។ ទាំងនេះ គឺជាយន្តការដ៏មានសារៈសំខាន់ក្នុងការគាំទ្រសាលារៀនគំរូ និងប្រែក្លាយយុវជននិងកុមារទៅជាពលរដ្ឋល្អ ពលរដ្ឋសកល និង មានស្មារតីស្រឡាញ់ជាតិ ការពារមាតុភូមិ និងការអភិវឌ្ឍសង្គមកម្ពុជា។
បន្ថែមពីនេះ កាយរឹទិ្ធជាតិកម្ពុជា បានចូលរួមយ៉ាងសកម្មក្នុងការអនុវត្តគោលនយោបាយជាតិស្តីពី ការអភិវឌ្ឍយុវជនកម្ពុជា គោលនយោបាយជាតិស្តីពីការសិក្សាពេញមួយជីវិត និងផែនការយុទ្ធសាស្រ្តវិស័យអប់រំ សំដៅរួមចំណែកអភិវឌ្ឍកម្មវិធីសម្រាប់កុមារនិងយុវជនកម្ពុជា ឱ្យមានវិជ្ជាសម្បទា បំណិនសម្បទា ចរិយាសម្បទា និងជំនាញសតវត្សទី២១ ឆ្លើយតបទៅនឹងបដិវត្តន៍ឧស្សាហកម្ម៤.០ និងបរិវត្តកម្មឌីជីថល។

តាងនាមក្រសួងអប់រំ យុវជន និងកីឡា និងប្រធានកាយរឹទិ្ធជាតិកម្ពុជា ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានចូលរួមអបអរសាទរ និងកោតសរសើដោយស្មោះស្ម័គ្រចំពោះថ្នាក់ដឹកនាំ និងមន្ត្រីអប់រំគ្រប់លំដាប់ថ្នាក់នៃសាកលវិទ្យាល័យជាតិបាត់ដំបង មន្ត្រីអប់រំមកពីគ្រប់​មជ្ឈដ្ឋានពាក់ព័ន្ធ ព្រមទាំងក្រុមការងារនាយកដ្ឋានសហប្រតិបតិ្តការកាយរឹទិ្ធ ដែលបានខិតខំប្រឹងប្រែងអស់ពីកម្លាំងកាយចិត្ត និងបានចំណាយពេលវេលាជួយបង្កលក្ខណៈគ្រប់យ៉ាង ជំរុញលើកទឹកចិត្តលោកគ្រូ អ្នកគ្រូ និងបុគ្គលិកអប់រំ ឱ្យស្ម័គ្រចិត្តចូលរួមក្នុងចលនាកាយរឹទិ្ធជាតិកម្ពុជា ដើម្បីសម្រេចបានកំណើនសមាជិកភាពស្របតាមផែនការយុទ្ធសាស្រ្តរបស់កាយរឹទិ្ធជាតិកម្ពុជា ឆ្នាំ២០២៤-២០២៨។

គួរបញ្ជាក់ដែរថា បច្ចុប្បន្ន កាយរឹទិ្ធជាតិកម្ពុជា មានសមាជិកសរុប ១៨៥ ៣៥៦នាក់ ក្នុងនោះ កាយរឹទិ្ធប្អូន ១៩ ០១៦ នាក់ កាយរឹទិ្ធជំទង់ ១២៧ ៤៣១ នាក់ កាយរឹទិ្ធរៀមច្បង ២២ ៧៣៧ នាក់ មេដឹកនាំកាយរឹទិ្ធ ១៣ ៦៤៧ នាក់ និងសមាជិកកិត្តិយស ២ ៥២៥ នាក់៕

អត្ថបទដែលជាប់ទាក់ទង