ឯកឧត្តម ចាប តូ ចុះសួរសុខទុក្ខ និងនាំយកអំណោយឧបត្ថម្ភ ដល់ស្វាមីលោកស្រី ហ៊ុន គន្ធា ជាជនមានពិការភាពភ្នែកទាំងសងខាង មានជំងឺបូសក្នុងថ្លើមធ្ងន់ធ្ងរ កំពុងសម្រាកព្យាបាលនៅមន្ទីរពេទ្យរុស្ស៊ី
ភ្នំពេញ៖ ឯកឧត្តម ចាប តូ អនុរដ្ឋលេខាធិការក្រសួងសង្គមកិច្ច តំណាងដ៏ខ្ពង់ខ្ពស់ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានដឹកនាំក្រុមការងារសមាគមតន្ត្រីសំនៀងជនពិការ ចុះសួរសុខទុក្ខ និងនាំយកអំណោយឧបត្ថម្ភ ដល់ស្វាមីលោកស្រី ហ៊ុន គន្ធា ជាជនមានពិការភាពភ្នែកទាំងសងខាង មានជំងឺបូសក្នុងថ្លើមធ្ងន់ធ្ងរ ៥កន្លែង ដែលកំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត ថ្ងៃសុក្រ ទី៣១ ខែមករា ឆ្នាំ២០២៥។
ឯកឧត្តម អនុរដ្ឋលេខាធិការ បានពាំនាំនូវប្រសាសន៍ផ្តាំផ្ញើរសាកសួរសុខទុក្ខពី ឯកឧត្តម ជា សុមេធី រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា តែងតែគិតគូរ ជួយសម្រាលការលំបាក និងផ្តល់ភាពកក់ក្តៅចំពោះសុខទុក្ខរបស់ប្រជាពលរដ្ឋជួបការលំបាក ជាពិសេសគ្រួសារជនមានពិការភាពងាយរងគ្រោះដែលកំពុងប្រឈមនូវបញ្ហាទុក្ខលំបាក ជីវភាពក្រីក្រ គ្មានទីពឹង។
ក្នុងឱកាសនោះផងដែរ ឯកឧត្តម អនុរដ្ឋលេខាធិការ បាននាំយកនូវគ្រឿងឧបភោគបរិភោគដូចជា អង្ករ មី អាល់កុល និងថវិកាមួយចំនួនជូនគ្រួសារលោកស្រី ហ៊ុន គន្ធា សម្រាប់ទុកប្រើប្រាស់ ៕