លោក Netanyahu ចាកចេញទៅក្រុងវ៉ាស៊ីនតោន ដើម្បីស្វែងរកទំនាក់ទំនងកាន់តែស៊ីជម្រៅជាមួយលោក Trump
ហ្សេរុយសាឡឹម៖ នាយករដ្ឋមន្ត្រីអ៊ីស្រាអែល លោក Benjamin Netanyahu បានរៀបចំចាកចេញពីប្រទេសអ៊ីស្រាអែល នៅថ្ងៃអាទិត្យ ដើម្បីជួបជាមួយប្រធានាធិបតីអាមេរិក លោក Donald Trump ដោយសម្លឹងមើលការពង្រឹងទំនាក់ទំនងជាមួយទីក្រុងវ៉ាស៊ីនតោន បន្ទាប់ពីភាពតានតឹងជាមួយរដ្ឋបាលសេតវិមានពីមុន ជុំវិញសង្គ្រាមនៅតំបន់ហ្គាហ្សា។
លោក Netanyahu ដែលជាមេដឹកនាំបរទេសដំបូងគេដែលបានទៅជួបលោក Trump ចាប់តាំងពីការឡើងកាន់តំណែងរបស់លោកកាលពីខែមុននោះ បានចាកចេញជាមួយនឹងបទឈប់បាញ់នៅក្នុងតំបន់ Gaza នៅតែរក្សា ហើយការចរចាសំដៅដល់ដំណាក់កាលទីពីរដែលរំពឹងថានឹងចាប់ផ្តើមនៅសប្តាហ៍នេះ។
លោកបានបញ្ជាក់នៅឯអាកាសយានដ្ឋានមុនពេលចាកចេញរបស់លោលថា ការសម្រេចចិត្តដែលយើងបានធ្វើនៅក្នុងសង្រ្គាមបានផ្លាស់ប្តូរមុខមាត់មជ្ឈិមបូព៌ារួចហើយ។
ការសម្រេចចិត្តរបស់យើង និងភាពក្លាហានរបស់ទាហានរបស់យើង បានគូសផែនទីឡើងវិញ។ ប៉ុន្តែលោកជឿថា ការធ្វើការយ៉ាងជិតស្និទ្ធជាមួយលោកប្រធានាធិបតី Donald Trump យើងអាចគូរវាឡើងវិញបានកាន់តែល្អ និងកាន់តែប្រសើរឡើង។
លោក Netanyahu ដែលប្រឈមមុខនឹងដីកាចាប់ខ្លួនពីតុលាការឧក្រិដ្ឋកម្មអន្តរជាតិ ជុំវិញការចោទប្រកាន់ពីបទឧក្រិដ្ឋកម្មសង្គ្រាមនៅហ្គាហ្សា បានធ្វើឱ្យទំនាក់ទំនងកាន់តែតានតឹងជាមួយអតីតប្រធានាធិបតី លោក Joe Biden ហើយមិនបានទៅទស្សនាសេតវិមានចាប់តាំងពីការវិលត្រឡប់មកកាន់តំណែងវិញនៅចុងឆ្នាំ២០២២។
