រដ្ឋបាលខេត្តបន្ទាយមានជ័យ ប្រជុំត្រៀមផែនការចុះត្រួតពិនិត្យ តាមដាននិងស្រង់ទិនន័យសំណង់ដែលសាងសង់ដោយមានលិខិតអនុញ្ញាត និងសំណង់គ្មានលិខិតអនុញ្ញាត

បន្ទាយមានជ័យ៖ លោកលៀម សុដា អភិបាលរងខេត្ត តំណាងឯកឧត្តម អ៊ុំ រាត្រី អភិបាលខេត្តបន្ទាយមានជ័យ នៅថ្ងៃទី១០ ខែកុម្ភៈ ឆ្នាំ២០២៥ បានដឹកនាំកិច្ចប្រជុំត្រៀមផែនការចុះត្រួតពិនិត្យ តាមដាននិងស្រង់ទិនន័យសំណង់ដែលបានសាងសង់ដោយមានលិខិតអនុញ្ញាត និង សំណង់ដែលបានសាងសង់ដោយគ្មានលិខិតអនុញ្ញាតឬសំណង់សាងសង់ខុសពីលិខិតអនុ ញ្ញាតទាំង៣សមត្ថកិច្ចក្នុងភូមិសាស្ត្រខេត្តបន្ទាយមានជ័យ។

ពិធីនេះប្រារព្ធឡើងនៅសាលប្រជុំសាលាខេត្ត បន្ទាយមានជ័យ ដោយមានករចូលរួមពីថ្នាក់ដឹកនាំមន្ទីរជំនាញ អង្គភាព ពាក់ព័ន្ធ កម្លាំងប្រដាប់អាវុធ អាជ្ញាធរស្រុក ក្រុង ទាំង០៩ និងការិយាល័យភូមិបាលស្រុក ក្រុងទាង០៩ ផងដែរ ។

មានប្រសាសន៍នាឱកាសនោះ លោក លៀម សុដា បានលើឡើងថា កិច្ចប្រជុំថ្ងៃនេះគឺត្រៀមផែនការចុះត្រួតពិ  និត្យ តាមដាននិងស្រង់ទិនន័យសំណង់ដែលបានសាងសង់ដោយមានលិខិតអនុញ្ញាត និង សំណង់ដែលបានសាងសង់ដោយគ្មានលិខិតអនុញ្ញាតឬសំណង់សាងសង់ខុសពីលិខិតអនុ ញ្ញាតទាំង៣សមត្ថកិច្ចក្នុងភូមិសាស្ត្រខេត្តបន្ទាយមានជ័យ ។ ទី១/-ពាក់ព័ន្ធសំណង់ទាំងអស់ក្នុងមូលដ្ឋានរបស់ខ្លួនមានប្រភេទអ្វីខ្លះ ត្រូងស្រង់ស្ថិតិទិនន័យសំណង់និងផ្ទៃក្រឡាឲ្យបានច្បាស់លាស់ ដូចជាសំណង់ឃ្លាំង សំណង់អាគារស្នាក់នៅរួម  សំណង់សណ្ឋាគារ  សំណង់កាស៊ីណូ និងអាគារខ្ពស់ៗមានប៉ុន្មានជាន់ ទោះបីសំណង់ទាំងនោះ ស្ថិតក្នុងផែនសមត្ថកិច្ចរបស់ក្រុង ស្រុក ខេត្តឬក្រសួងក៏ដោយ ដោយពិនិត្យមើលតើសំណង់ទាំងនោះ មានច្បាប់ឬអត់ច្បាប់អនុញ្ញាតិឲ្យសាសង់ទេ មួយវិញទៀតកំពុងតែធ្វើច្បាប់សាងសង់ គឺត្រូវបែងចែកឲ្យបានត្រឹមត្រូវរួមទាំងថតជារូបភាពផងដែរ ។

លោកអភិបាលរងខេត្តបានបញ្ជាក់ថា ប្រតិបត្តិការចុះពិនិត្យនេះ ដឹកនាំដោយលោកអភិបាលឬអភិបាលរង ស្រុក ក្រុង មានសមត្ថកិច្ចនិងមន្ត្រីជំនាញពាក់ព័ន្ធ ដោយសហការជាមួយមន្ត្រីជំនាញការិយាល័យភូមិបាលក្រុង ស្រុក មេភូមិ មេឃុំ ចៅសង្កាត់ផងដែរ ។ ការចុះត្រួតពិនិត្យការងារសំណង់នេះ ដោយរយៈកន្លងមកមានការបាក់រលំអាគារសំណង់ដែល សាង់សង់ដោយគ្មានច្បាប់អនុញ្ញាត ឬ ក៏មានច្បាប់អនុញ្ញាតហើយសាងសង់មិនត្រឹមត្រូវទៅតាមបច្ចេកទេសជាដើម ដែលបង្កគ្រោះថ្នាក់ដល់អាយុ ជីវិត មនុស្ស ដូចកន្លងមកខេត្តបន្ទាយមានជ័យ មាននៅក្រុងប៉ោយ  ប៉ែត ដែលនេះគឺជាងបញ្ហាដែលថ្នាក់ដឹកនាំរាជរដ្ឋាភិបាល ក៏ដូចជាថ្នាក់ដឹកនាំក្រសួងដែនដី នគរូបនីយកម្ម និងសំណង់  ពិសេសថ្នាក់ដឹកនាំខេត្ត ដែលយកចិត្តទុកដាក់គិតគូរអំពីគុណភាពនិងសុវត្ថិភាព ។ ទី២/- នៅពេលមានការសាងសង់អាគារភ្លាមចុះទៅត្រួតពិនិត្យមើលតើការសាងសង់នេះ មានច្បាប់  មានប្លង់ស្ថាបត្យកម្មឬទេ បើគ្មានត្រូវផ្អាកការសាងសង់ដោយណែនាំឲ្យគាត់ធ្វើច្បាប់សាងសង់រួចរាល់ទើបអនុញ្ញាត ចំពោះអន្នមានច្បាប់ហើយក៏ត្រូវត្រួតពិនិត្យតើការសាងស់នោះតាមលក្ខណៈបច្ចេកទេសឬអត់ ប្រសិនបើគ្មានច្បាប់ ឃាត់មិនព្រមផ្អាកលើកទី១ ជាលើកទី២ នៅតែប្រព្រឹត្ត គឺត្រូវអនុវត្តតាមនិតិវិធី៕