អគ្គនាយកដ្ឋានរដ្ឋបាល បញ្ជាក់ពីស្ថានភាពបច្ចុប្បន្នភាព នៃចំនួនសមាជិកក្រុមប្រឹក្សារាជធានី ខេត្ត ក្រុង ស្រុក ខណ្ឌ និងឃុំ សង្កាត់ទូទាំងប្រទេស
ភ្នំពេញ៖ តាមរយៈរបាយការណ៍សកម្មភាព និងលទ្ធផលការងារប្រចាំខែមករា និងទិសដៅ អនុវត្តការងារបន្តសម្រាប់ខែកុម្ភៈ ឆ្នាំ២០២៥ អគ្គនាយកដ្ឋានរដ្ឋបាល បានបញ្ជាក់ពីស្ថានភាពបច្ចុប្បន្នភាពនៃចំនួនសមាជិកក្រុមប្រឹក្សារាជធានី ខេត្ត ក្រុង ស្រុក ខណ្ឌ និងឃុំ សង្កាត់ទូទាំងប្រទេស មានដូចខាងក្រោម៖
-សមាសភាពក្រុមប្រឹក្សារាជធានី ខេត្តសរុបចំនួន ៥៥៩រូប ស្រីចំនួន ៩៣រូប ក្នុងនោះប្រធានក្រុមប្រឹក្សា រាជធានី ខេត្តចំនួន ២៥រូប
-សមាសភាពក្រុមប្រឹក្សាក្រុង ស្រុក ខណ្ឌសរុបចំនួន ៣.៦៤១រូប ស្រីចំនួន ៧០០រូប ក្នុងនោះប្រធានក្រុមប្រឹក្សា ក្រុង ស្រុក ខណ្ឌចំនួន ២០៩រូប ស្រីចំនួន១៣រូប
-សមាសភាពក្រុមប្រឹក្សាឃុំ សង្កាត់សរុបចំនួន ១១.៦២២រូប ស្រីចំនួន ២.៥៦២រូប ក្នុងនោះមេឃុំចំនួន ១.៣៨៥រូប ស្រីចំនួន ១៣៩រូប ចៅសង្កាត់ចំនួន ២៦៧រូប ស្រីចំនួន ៣៥រូប ជំទប់ទី១ចំនួន ១.៣៨៥រូប ស្រីចំនួន ២៥៩រូប ជំទប់ទី២ចំនួន ១.៣៨៥រូប ស្រីចំនួន ១៥៦រូប ចៅសង្កាត់រងទី១ចំនួន ២៦៧រូប ស្រីចំនួន ៦៤រូប ចៅសង្កាត់រងទី២ចំនួន ២៦៧រូប ស្រីចំនួន ៣៦រូប និងសមាជិកក្រុមប្រឹក្សាឃុំ សង្កាត់ចំនួន ៦.៦៦៦រូប ស្រី ចំនួន១.៨៦៧រូប។
ក្នុងខែមករា ឆ្នាំ២០២៥នេះ ក្រសួងមហាផ្ទៃបានផ្លាស់ប្តូរ និងទទួលស្គាល់សមាសភាពក្រុមប្រឹក្សារាជធានីខេត្ត ក្រុយមប្រឹក្សាស្រុក និងក្រុមប្រឹក្សាឃុំ សង្កាត់រួមមាន៖ សមាសភាពក្រុមប្រឹក្សារាជធានី ខេត្តចំនួន ៣រូប ស្រី១រូប សមាសភាពក្រុមប្រឹក្សាស្រុកចំនួន ៣រូបស្រីចំនួន ២រូប សមាសភាពក្រុមប្រឹក្សាឃុំ សង្កាត់ចំនួន ១១រូប ស្រីចំនួន ៣រូប ៕
