ខែមករា ឆ្នាំ២០២៥ អគ្គនាយកដ្ឋានរដ្ឋបាល បានទទួលលិខិត និងឯកសារដែលបញ្ជូនមកពីអគ្គលេខាធិការដ្ឋាន និងអង្គភាពនានាចំណុះក្រសួងមហាផ្ទៃ ១.២១៦ច្បាប់
ភ្នំពេញ៖ ក្នុងខែមករា ឆ្នាំ២០២៥នេះ អគ្គនាយកដ្ឋានរដ្ឋបាល នៃក្រសួងមហាផ្ទៃ បានទទួលលិខិត និងឯកសារដែលបញ្ជូនមកពីអគ្គលេខាធិការដ្ឋាន និងអង្គភាពនានាចំណុះក្រសួងមហាផ្ទៃ សរុបចំនួន ១.២៩៧ច្បាប់ ។
បើតាមរបាយការណ៍សកម្មភាព និងលទ្ធផលការងារប្រចាំខែមករា និងទិសដៅ អនុវត្តការងារបន្តសម្រាប់ខែកុម្ភៈ ឆ្នាំ២០២៥ របស់អគ្គនាយកដ្ឋានរដ្ឋបាល បានឲ្យដឹងថា ក្នុងនោះបានធ្វើការបែងចែកជូនទៅនាយកដ្ឋានចំណុះរួមមាន៖ នាយកដ្ឋានរដ្ឋបាលសរុប ចំនួន ៨៩ច្បាប់ នាយកដ្ឋានកិច្ចការរដ្ឋបាលរាជធានី ខណ្ឌ និងខេត្តចំនួន ៨៣៧ច្បាប់ នាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់ចំនួន ៨១ច្បាប់ នាយកដ្ឋានមុខងារ និងធនធានចំនួន ៦៣ច្បាប់ នាយកដ្ឋានកិច្ចការសមាគម និង គណបក្សនយោបាយចំនួន ២២៧ច្បាប់ ។
ជាមួយគ្នានោះ អគ្គនាយកដ្ឋានរដ្ឋបាល បានចាត់ចែងបញ្ជូនលិខិត និងឯកសារ ដើម្បីដាក់ជូនថ្នាក់ដឹកនាំពិនិត្យ សម្រេច ដែលក្នុងនោះរួមមាន៖ -ដាក់ជូនថ្នាក់ដឹកនាំក្រសួងមហាផ្ទៃចំនួន ១៧៣ច្បាប់, -ដាក់ជូនអគ្គនាយកនៃអគ្គនាយកដ្ឋានរដ្ឋបាលចំនួន ២៧៤ច្បាប់ ។
អគ្គនាយកដ្ឋានរដ្ឋបាល ក៏បានទទួលលិខិត និងឯកសារចំនួន ៣៩៦ច្បាប់ ដែលថ្នាក់ដឹកនាំក្រសួងមហាផ្ទៃពិនិត្យ សម្រេច រួចបញ្ជូនទៅ នាយកដ្ឋានចំណុះ ដើម្បីចាត់ចែងបន្តរួមមាន៖ នាយកដ្ឋានរដ្ឋបាលសរុបចំនួន ៤៩ច្បាប់ នាយកដ្ឋានកិច្ចការរដ្ឋបាល រាជធានី ខណ្ឌ និងខេត្តចំនួន ១៨៦ច្បាប់ នាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់ចំនួន ៣២ច្បាប់ នាយកដ្ឋានមុខងារ និងធនធានចំនួន ២៧ច្បាប់ និងនាយកដ្ឋានកិច្ចការសមាគម និងគណបក្សនយោបាយចំនួន ១០២ច្បាប់។
ទន្ទឹមគ្នានោះអគ្គនាយកដ្ឋានរដ្ឋបាល បានចេញលិខិតបង្គាប់ការនិងលិខិតបញ្ជាបេសកកម្មសរុបចំនួន ១១២ច្បាប់ (លិខិតបង្គាប់ការចំនួន ៥៤ច្បាប់ និងលិខិតបញ្ជាបេសកកម្មចំនួន ៥៨ច្បាប់) ជូនថ្នាក់ដឹកនាំ និងមន្ត្រីចំណុះអគ្គនាយកដ្ឋាន- រដ្ឋបាល ដើម្បីចុះទៅបំពេញបេសកកម្មនៅតាមបណ្តាខេត្តនានា។ ជាមួយគ្នានេះ អគ្គនាយកដ្ឋានរដ្ឋបាលក៏បានចុះ ទិដ្ឋាការជូនមន្ត្រីរាជការនៃបណ្តាខេត្តនានា ដែលបានមកបំពេញបេសកកម្មនៅក្រសួងមហាផ្ទៃផងដែរ ៕
