ឯកឧត្តម ផាន់ ចាន់ធុល ដឹកនាំកិច្ចប្រជុំពិភាក្សាប្រមូលធាតុចូលបន្ថែមលើផែនការសកម្មភាពលម្អិតយុទ្ធសាស្ត្រជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ ២០២៣-២០២៥ ជាមួយក្រសួងឧស្សាហកម្ម
ភ្នំពេញ៖ នៅព្រឹកថ្ងៃទី៥ ខែមីនា ឆ្នាំ២០២៥នេះ ឯកឧត្តម ផាន់ ចាន់ធុល រដ្ឋលេខាធិការក្រសួងមហាផ្ទៃ បានអញ្ជើញដឹកនាំកិច្ចប្រជុំពិភាក្សាប្រមូលធាតុចូលបន្ថែមលើផែនការសកម្មភាពលម្អិតយុទ្ធសាស្ត្រជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ២០២៣-២០២៥ ជាមួយថ្នាក់ដឹងនាំក្រសួងឧស្សាហកម្ម វិទ្យាស្ថាន បច្ចេកវិទ្យានិងនវានុវត្តន៍ ដែលដឹកនាំដោយ លោកជំទាវ ពៅ វរលក្ម្សណ៍ អនុរដ្ឋលេខាធិការ និងជាប្រធានលេខាធិការដ្ឋាន គណៈកម្មាធិការសម្របសម្រួលការអភិវឌ្ឍន៍សេដ្ឋកិច្ចក្រៅប្រព័ន្ឋ (គ.ស.អ.ស.ក)។
គោលបំណងក្នុងកិច្ចប្រជុំនេះ គឺដើម្បីធានាដល់ការអនុវត្តយុទ្ធសាស្ត្រស្តីពីការអភិវឌ្ឍ សេដ្ឋកិច្ចក្រៅប្រព័ន្ធ ប្រកបដោយប្រសិទ្ធភាពនិងស័ក្តិសិទ្ធិភាព ហើយផែនការសកម្មភាពនោះក៏មានការកំណត់ជាវិធានការគន្លឹះ និងសូចនាករគន្លឹះរបស់ក្រសួង ស្ថាប័នពាក់ព័ន្ធដែលត្រូវចូលរួមអនុវត្តផែនការសកម្មភាពនេះ ហើយ ក្រសួង ស្ថាប័នពាក់ព័ន្ធត្រូវផ្ញើសូចនាករគន្លឹះរបស់ខ្លួនទៅក្រសួងឧស្សាហកម្មវិទ្យាសាស្ត្រ បច្ចេកវិទ្យា និងនវានុវត្តន៍ ដើម្បីដាក់បញ្ចូលនៅក្នុងផែនការសកម្មភាពរួម៕
