មេបញ្ជាការកងរាជអាវុធហត្ថខេត្តកំពង់ស្ពឺ ដាក់ចេញបទបញ្ជាឲ្យកម្លាំង បន្តចុះផ្សព្វផ្សាយ លើកកម្ពស់ការអប់រំ ដើម្បីសហគមន៍គ្មានគ្រឿងញៀន និងក្មេងទំនើង
ភ្នំពេញ៖ ដោយអនុវត្តតាមបទបញ្ជារបស់ លោក ឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ នាព្រឹកថ្ងៃទី១២ ខែមីនា ឆ្នាំ២០២៥ លោកវរសេនីយ៍ទោ ណុល តារា ប្រធានមន្ទីរ ស្រាវជ្រាវបង្ក្រាបបទល្មើស បានដឹកនាំកម្លាំងជំនាញ សហការជាមួយបណ្តាមូលដ្ឋានក្រុង-ស្រុក និងស្នាក់ការ បន្តចុះផ្សព្វផ្សាយលើកកម្ពស់ការអប់រំ ដើម្បីសហគមន៍គ្មានគ្រឿងញៀន(បារីអេឡិចត្រូ និច)និងក្មេងទំនើង នៅក្នុងភូមិសាស្ត្រខេត្តកំពង់ស្ពឺ ដោយបានធ្វើនៅវិទ្យាល័យ សម្តេចតេជោ ហ៊ុន សែន រលាំងឈូក ស្ថិតក្នុងស្រុកសំរោងទង ដែលមានការចូលរួមពីគណៈគ្រប់គ្រងសាលា លោកគ្រូ អ្នកគ្រូ និងសិស្សានុសិស្សចំនួន១៥១២នាក់(សិស្សស្រីចំនួន៨៤៧នាក់)ផងដែរ៕
