ឧបនាយករដ្ឋមន្ត្រី ប្រាក់ សុខុន និងអគ្គលេខាធិការអង្គការអន្តរជាតិហ្រ្វង់កូហ្វូនី ពិភាក្សាពីការត្រៀមខ្លួនរបស់កម្ពុជា ធ្វើជាម្ចាស់ផ្ទះកិច្ចប្រជុំកំពូលហ្វ្រង់កូហ្វូនី លើកទី២០ នៅឆ្នាំ២០២៦

ភ្នំពេញ៖ នៅល្ងាចថ្ងៃទី១៤ មីនា ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ បានជួបពិភាក្សាការរងារជាមួយ លោកជំទាវ Louise MUSHIKIWABO អគ្គលេខាធិការអង្គការអន្តរជាតិហ្រ្វង់កូហ្វូនី នៅទីក្រុងប៉ារីស ប្រទេសបារាំង។

ភាគីទាំងពីរបានពិភាក្សាអំពីការត្រៀមខ្លួនរបស់កម្ពុជាក្នុងការធ្វើជាម្ចាស់ផ្ទះកិច្ចប្រជុំកំពូលហ្វ្រង់កូហ្វូនី លើកទី ២០ នៅឆ្នាំ២០២៦ នៅកម្ពុជា ដែលនឹងមានការចូលរួមពីរដ្ឋជាសមាជិកចំនួន ៩៣ និងតំណាងអង្គការអន្តរជាតិជាច្រើនទៀត ៕