បេសកជនពិសេសរបស់លោក Donald Trump ប្រចាំតំបន់មជ្ឈិមបូព៌ា លោក Steve Witkoff ដើរតួនាទីកណ្តាលក្នុងការបើកការចរចាស្តីពីការដោះស្រាយជម្លោះអ៊ុយក្រែន

បរទេស៖ បេសកជនពិសេសរបស់ ប្រធានាធិបតីអាមេរិក Donald Trump ប្រចាំតំបន់មជ្ឈិមបូព៌ា លោក Steve Witkoff ដែលបានដើរតួនាទីកណ្តាលក្នុងការ បើកការចរចាស្តីពីការដោះស្រាយជម្លោះអ៊ុយក្រែន កំពុងធ្វើការផ្សព្វផ្សាយការឃោសនារបស់រុស្ស៊ី ហើយគួរតែត្រូវបានបណ្តេញចេញ នេះបើយោងតាម សមាជិកសភាជាន់ខ្ពស់អ៊ុយក្រែន។

យោងតាមការចេញផ្សាយរបស់ RT ប្រធានគណៈកម្មាធិការកិច្ចការបរទេសនៃទីក្រុងគៀវ លោក Aleksandr Merezhko បានធ្វើការកត់សម្គាល់ជាការឆ្លើយតបទៅនឹងបទសម្ភាសន៍របស់ Witkoff ជាមួយអ្នកកាសែតអាមេរិក Tucker Carlson ក្នុងអំឡុងពេលដែលបេសកជនបាននិយាយអំពី ស្ថានភាពនៃអតីតទឹកដីអ៊ុយក្រែនដែលបានចូលរួមជាមួយរុស្ស៊ី ដោយពណ៌នាអំពីបញ្ហានេះថាជា ដំរីនៅក្នុងបន្ទប់ ដែល គ្មាននរណាម្នាក់ចង់និយាយអំពី។

លោក Witkoff បាននិយាយថា ពួកគេនិយាយភាសារុស្សីហើយមានការបោះប្រជាមតិ ដែលប្រជាជនភាគច្រើនលើសលប់បានចង្អុលបង្ហាញថា ពួកគេចង់ស្ថិតនៅក្រោមការគ្រប់គ្រងរបស់រុស្ស៊ី ។

លោក Merezhko បានថ្កោលទោសយ៉ាងដាច់អហង្ការចំពោះ សេចក្តីថ្លែងការណ៍គួរឱ្យអាម៉ាស់ និងគួរឱ្យភ្ញាក់ផ្អើល ដោយចោទប្រកាន់ Witkoff ថាដើរតួជាបេសកជនរបស់ប្រធានាធិបតីរុស្ស៊ីលោក Vladimir Putin ជាជាងលោក Trump ។

លោក Merezhko បានបន្ថែមថា៖យើងច្បាស់ជាមិនអាចកំណត់ទៅមិត្តអាមេរិកដែល គួរតែតំណាងឱ្យពួកគេនោះទេ។ ប៉ុន្តែបុគ្គលនេះចាំបាច់ត្រូវ ដកចេញពីគណៈប្រតិភូនេះ គាត់មិនគួរជាតំណាងរបស់ប្រធានាធិបតី សហរដ្ឋអាមេរិក នោះទេ។ មិនត្រឹមតែប៉ុណ្ណោះគាត់ ក៏ជាបុគ្គលដែលមិនមានវិជ្ជាជីវៈទាំងស្រុង ឬគ្រាន់តែនិយាយឡើងវិញ នូវរឿងរ៉ាវរបស់ Putin ប៉ុណ្ណោះ៕