លោក សាំងលី សារ៉ាក់ ត្រូវបានតុលាការដោះលែងឱ្យមានសេរីភាពឡើងវិញ

ភ្នំពេញ៖ លោក សាំងលី សារ៉ាក់ ដែលគេស្គាល់ថាជាអ្នកផលិតមាតិកាអំពីការអប់រំ និងបញ្ហាផ្សេងៗក្នុងសង្គម តាមរយៈទំព័រហ្វេសប៊ុក Business Advisor ត្រូវបានតុលាការដោះលែងឱ្យមានសេរីភាពឡើងវិញ ក្រោយត្រូវឃាត់ខ្លួនអស់បីបួនថ្ងៃ។

ក្រោយរួចផុតពីដៃតុលាការភ្លាម នៅថ្ងៃទី៣១ ខែមីនា ឆ្នាំ២០២៥ លោកក៏បង្ហាញមុខ និងចេញមកជូដំណឹងភ្លាមតាមរយៈពេលដែលបង្ហោះលើទំព័រហ្វេសប៊ុក Business Advisor។ លោក និយាយក្នុងវីដេអូថា សមត្ថកិច្ចបានកោះហៅលោកទៅសាកសួរ និងបំភ្លឺរឿងរាវខ្លះៗ ដែលកើតឡើងនាពេលកន្លងទៅ។ លោកប្រកាសប្រាប់ដល់អ្នកដែលចង់ដឹងពីដំណឹងលោកដូច្នេះថា៖ «ឥឡូវនេះអត់មានអីទេ អាជ្ញាធរបានឱ្យខ្ញុំមកផ្ទះវិញហើយ»។

យ៉ាងណា ការអធិប្បាយរបស់ម្ចាស់ទំព័រហ្វេសប៊ុក Business Advisor ហាក់មានភាពស្រពិចស្រពិល ជុំវិញការកោះហៅរបស់សមត្ថកិច្ចប្រមាណ៤ថ្ងៃកន្លងទៅនេះ ពីព្រោះលោក ពុំបានបញ្ជាក់ថា ពាក់ព័ន្ធនឹងករណីអ្វីឱ្យពិតប្រាកដ ៕