ឯកឧត្តម សួស ប្រាថ្នា ចុះត្រួតពិនិត្យសមិទ្ធផលការងារសាងសង់សំណង់ការពារច្រាំងទន្លេបាសាក់ និងព្រែកជ្រៃធំ ព្រមទាំងពិនិត្យស្ថានភាពច្រាំង និងទន្លេដែលរងហានិភ័យនៃការបាក់ច្រាំង

ភ្នំពេញ៖ នៅថ្ងៃទី៣១ ខែមីនា ឆ្នាំ២០២៥ ឯកឧត្តម សួស ប្រាថ្នា អគ្គនាយក នៃអគ្គនាយកដ្ឋានរដ្ឋបាល ក្រសួងមហាផ្ទៃ បានអញ្ជើញចុះត្រួតពិនិត្យសមិទ្ធផលការងារសាងសង់សំណង់ការពារច្រាំងទន្លេបាសាក់និងព្រែកជ្រៃធំ ព្រមទាំងពិនិត្យស្ថានភាពច្រាំងនិងទន្លេដែលមានហានិភ័យនៃការបាក់ច្រាំង ដែលដឹកនាំដោយឯកឧត្តម ឡាំ ជា រដ្ឋមន្រ្តីទទួលបន្ទុករដ្ឋលេខាធិការដ្ឋានកិច្ចការព្រំដែន និងជាប្រធាន គណៈកម្មការអន្តរក្រសួងដើម្បីសិក្សានិងដោះស្រាយបញ្ហាបាក់ច្រាំងទន្លេបាសាក់ និងព្រែកជ្រៃធំ នៅតាមបណ្ដោយព្រំដែនកម្ពុជា-វៀតណាម នៅក្នុងភូមិសាស្រ្តក្រុងសំពៅពូន ខេត្តកណ្ដាល។

ក្នុងដំណើរនៃការចុះត្រួតពិនិត្យនេះ ក៏មានការអញ្ជើញចូលរួមពីរដ្ឋលេខាធិការ អនុរដ្ឋលេខាធិការ ថ្នាក់ដឹកនាំនៃក្រសួងមហាផ្ទៃ ក្រសួងសាធារណការនិងដឹកនាំជញ្ជូន ក្រសួងសេដ្ឋកិច្ចនិងហិរញ្ញវត្ថុ និងក្រសួងធនធានទឹកនិងឧតុនិយម និងការចូលរួមពីអភិបាល អភិបាលរងខេត្តកណ្ដាល អភិបាលក្រុងសំពៅពូន កងកម្លាំងមានសមត្ថកិច្ច ព្រមទាំងមន្រ្តីជំនាញពាក់ព័ន្ធជាច្រើនរូប ៕