វត្ថុបុរាណដែលប្រជាពលរដ្ឋប្រទះឃេីញនៅឃុំអន្លង់រុន ស្រុកថ្មគោល ត្រូវបានប្រគល់ជូន មន្ទីរវប្បធម៌និងវិចិត្រសិល្ប:យកទៅរក្សាទុក

បាត់ដំបង៖ នៅរសៀលថ្ងៃទី៣ ខែ មេសា ឆ្នាំ ២០២៥ លោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង, រួមជាមួយ លោក ស្នងការរងជំនួយការដឹកនាំការងារការិយា ល័យនគរបាលការពារបេតិកភណ្ឌ, លោកនាយការិយាល័យនគរបាលការពារបេតិកភណ្ឌ និងមន្ត្រីពាក់ព័ន្ធ បានប្រគល់-ទទួលវត្ថុបុរាណជូនដល់ក្រុម ការងារមន្ទីរវប្បធម៌និងវិចិត្រសិល្បៈខេត្ត ដើម្បីយកទៅរក្សាទុកនៅសារមន្ទីរខេត្តបាត់ដំបង។

វត្ថុបុរាណចំនួន ០៣ដុំ ធ្វើអំពីថ្មភក់រួមមាន៖
-សិវលិង្គ ទំហំ ៤៤x១១x១១ស.ម
-ស្មាទ្រនី ទំហំ ៦៤x៤៣,៥x៧ស.ម និងបល្ល័ង្គ ទំហំ ៥៨x៥៧ x៤៣,៥ស.ម។

វត្ថុបុរាណនេះត្រូវបានប្រជាពលរដ្ឋប្រទះឃើញកំឡុងពេលជីកកាយដីដំបូកក្នុងស្រែ កាលពីថ្ងៃទី២៩ ខែមីនា ឆ្នាំ២០២៥ នៅចំណុចទួលតាចាន់ ស្ថិតនៅក្រុមទី១ ភូមិសូភី ឃុំអន្លង់រុន ស្រុកថ្មគោល ខេត្តបាត់ដំបង និងបានរាយការណ៍មកសមត្ថកិច្ចមូលដ្ឋាន ហើយអង្គភាពនគរបាលការពារបេតិកភណ្ឌ យកមករក្សាទុកនិងធ្វើពិធីប្រគល់ទទួលនៅថ្ងៃនេះ៕