អភិបាលខេត្តពោធិ៍សាត់ ជួបសំណេះសំណាល ជាមួយមន្ត្រីរាជការ មន្ត្រីជាប់កិច្ចសន្យា និងបុគ្គលិកហាត់ការ ចំណុះឱ្យរចនាសម្ព័ន្ធរដ្ឋបាលខេត្ត

ភ្នំពេញ៖ នៅថ្ងៃទី០៥ ខែមេសា ឆ្នាំ២០២៥នេះ នៅសាលប្រជុំថ្មីរដ្ឋបាលខេត្ត ឯកឧត្តម ខូយ រីដា អភិបាលខេត្តពោធិ៍សាត់ បានអញ្ជើញជួបសំណេះសំណាល ជាមួយមន្ត្រីរាជការ មន្ត្រីជាប់កិច្ចសន្យា និងបុគ្គលិកហាត់ការ ចំណុះឱ្យរចនាសម្ព័ន្ធរដ្ឋបាលខេត្ត នៅក្នុងឱកាសអបអរសាទរ ពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំម្សាញ់ សប្តស័ក ពស.២៥៦៨ ដែលនឹងខិតជិតមកដល់នាពេលខាងមុខ។

ក្នុងឱកាសនោះ ឯកឧត្តម ខូយ រីដា ក៏បានឧបត្ថម្ភ ដល់មន្ត្រីរាជការ មន្ត្រីកិច្ចសន្យា និងបុគ្គលិកហាត់ការ ចំណុះឱ្យរចនាសម្ព័ន្ធរដ្ឋបាលខេត្ត ចំនួន១៩១នាក់ ក្នុងម្នាក់ៗទទួលបាន ថវិកាចំនួន៤០ម៉ឺនរៀល ក្រណាត់សំពត់មួយឈុត និងអង្ករ២០គីឡូក្រាមផងដែរ៕